గడ్కరీతో విందు.. మోదీతో భేటీ.. 'మహా'లో ఏంటీ 'పవార్' ట్విస్ట్?

Sharad Pawar News: శివనసేన ఎంపీ సంజయ్​ రౌత్ ఆస్తులను ఈడీ జప్తు చేసిన రోజే కేంద్రమంత్రి నితిన్ గడ్కరీతో విందు చేశారు ఎన్సీపీ అధినేత శరద్​పవార్​. ఈ విందుకు రౌత్ కూడా హజరయ్యారు. మరుసటి రోజే ప్రధాని నరేంద్ర మోదీతో పవార్ పార్లమెంటులో ప్రత్యేకంగా సమావేశమయ్యారు. దీంతో మహా రాజకీయాల్లో ఏం జరుగుతోంది? అనే చర్చ మొదలైంది.

Sharad Pawar: మహారాష్ట్ర రాజకీయాల్లో మరోసారి ఆసక్తికర పరిణామాలు చోటు చేసుకుంటున్నాయి. శివసేన ఎంపీ సంజయ్​ రౌత్, ఆయన కుటుంబ సభ్యులకు చెందిన ఆస్తులను ఎన్​ఫోర్స్​మెంట్​ డైరెక్టరేట్(ఈడీ) జప్తు చేసిన రోజే కేంద్ర మంత్రి నితిన్​ గడ్కరీతో విందులో పాల్గొన్నారు ఎన్సీపీ అధినేత శరద్ పవార్​. దిల్లీలోని ఆయన నివాసంలోనే జరిగిన ఈ విందు కార్యక్రమానికి రౌత్​తో పాటు మహారాష్ట్ర ఎమ్మెల్యేలు కూడా హాజరయ్యారు. మంగళవారం ఈ పరిణామాలు జరగ్గా.. బుధవారం ప్రధాని నరేంద్ర మోదీతో ప్రత్యేక సమావేశమయ్యారు పవార్​. పార్లమెంటులో దాదాపు 20 నిమిషాల పాటు ఈ భేటీ జరిగింది.

గడ్కరీతో పవార్ విందు.

గడ్కరీతో పవార్ విందు.

Sharad Pawar Modi Meet: మోదీతో భేటీ అనంతరం పవార్ మీడియాతో మాట్లాడారు. రౌత్​ ఆస్తులను ఈడీ జప్తు చేసిన విషయాన్ని ప్రధాని దృష్టికి తీసుకెళ్లినట్లు చెప్పారు. కేంద్ర సంస్థలు ఇలాంటి చర్యలు తీసుకున్నప్పుడు పూర్తి బాధ్యత కూడా వాళ్లదే అని పేర్కొన్నారు. కేంద్రప్రభుత్వానికి వ్యతిరేకంగా గళమెత్తినందుకే రౌత్​ను ఈడీ లక్ష్యంగా చేసుకుందని పవార్ ఆరోపించారు.

మరోవైపు మహారాష్ట్రలో మహావికాస్ అఘాడీ ప్రభుత్వం మరోసారి అధికారంలోకి వస్తుందని పవర్​ ధీమా వ్యక్తం చేశారు. అధికారంలో ఉన్నవారు ఇతరులను పట్టించుకోకుండా పక్కనపెడుతున్నారు అనే భావన రాకుండా చూసుకోవాలని, ఆ బాధ్యత పూర్తిగా వారిదే అని అన్నారు. అయితే తాము(మహావికాస్​ అఘాడీ) భేటీ అయినప్పుడు ఇలాంటి విషయాలు ఏవీ ప్రస్తావనకు రాలేదని పవార్ స్పష్టం చేశారు. అలాగే యూపీఏను ముందుడి నడిపిస్తారా అని ప్రశ్నించగా.. తనకు ఆసక్తి లేదని చెప్పారు. ఇదే విషయాన్ని చాలాసార్లు చెప్పినట్లు గుర్తు చేశారు.

ఇదీ చదవండి:శివసేన నేత సంజయ్​ రౌత్ ఆస్తులు సీజ్​