పంజాబ్లో ఘోర రోడ్డు ప్రమాదం జరిగింది. ఈ ప్రమాదంలో నలుగురు యువకులు మృతి చెందగా.. మరికొంత మందికి గాయపడ్డారు. శనివారం రాత్రి అమృత్సర్లో జరిగిందీ ఘటన. స్థానికుడు దల్జీత్ సింగ్ తెలిపిన వివరాల ప్రకారం.. అట్టారీ రోడ్డులోని ఘరీందర్ ప్రాంతంలో శనివారం రాత్రి ఓ ఆటో, కారు ఢీ కొన్నాయి. ఈ ప్రమాద సమయంలో ఆటోలో 12 మంది యువకులు ఉన్నారు.
కారు, ఆటో ఢీ.. నలుగురు యువకులు మృతి.. 8 మందికి గాయాలు - లేటెస్ట్ యాక్సిడెంట్ న్యూస్
పంజాబ్లో డిసెంబర్ 31 రాత్రి ఘోర రోడ్డు ప్రమాదం జరిగింది. నలుగురు యువకులు మృతి చెందగా.. మరో 8 మందికి తీవ్రగాయాలయ్యాయి.
రోడ్డు ప్రమాదం
నేస్తా గ్రామానికి చెందిన వారంతా.. ఖాస ప్రాంతంలో పనిచేస్తున్నారు. పని ముగించుకొని ఆటోలో ఇళ్లకు బయలుదేరారు. అదే సమయంలో వారికి ఎదురుగా అతివేగంగా వస్తున్న ఓ కారు ఆటోను ఢీకొట్టింది. దీంతో ఆటోలో ఉన్నవారికి తీవ్రగాయాలయ్యాయి. ఒకరు అక్కడికక్కడే మృతి చెందగా.. మరో ముగ్గురు ఆస్పత్రికి తరలిస్తుండగా మృతి చెందారు. గాయపడినవారి పరిస్థితి విషమంగా ఉన్నట్లు తెలిపారు.