కొవిడ్ ఆస్పత్రుల్లో తనిఖీలకు సుప్రీం ఆదేశాలు

కొవిడ్ ఆస్పత్రుల్లో అగ్ని ప్రమాదాలు జరగకుండా ఎలాంటి చర్యలు తీసుకున్నారో పరిశీలించాలని అన్ని రాష్ట్ర ప్రభుత్వాలను సుప్రీం కోర్టు ఆదేశించింది. నిబంధనలు ఉల్లంఘిస్తే కఠిన చర్యలు తప్పవని హెచ్చరించింది.

దేశంలోని కొవిడ్​-19 ఆస్పత్రుల్లో అగ్ని ప్రమాదాల నివారణకు తగిన జాగ్రత్తలు తీసుకున్నారో లేదో తనిఖీ చేయాలని అన్ని రాష్ట్రాల ప్రభుత్వాలను సుప్రీంకోర్టు ఆదేశించింది. ఇటీవల కొన్ని ఆస్పత్రుల్లో భారీ ప్రమాదాలు జరిగి, ప్రాణనష్టం సంభవించిన నేపథ్యంలో ఈ ఆదేశాలు జారీ చేసింది.

సంబంధిత ఆస్పత్రులు అగ్ని మాపక విభాగం నుంచి నాలుగు వారాల్లోగా ఎన్​ఓసీ ధ్రువపత్రాన్ని పొందాలని స్పష్టంచేసింది సుప్రీంకోర్టు. గడువులోగా ఎన్​ఓసీ పత్రం తీసుకోకపోతే కఠిన చర్యలు ఉంటాయని హెచ్చరించింది. ఎన్​ఓసీ పత్రం గడువు ముగిస్తే తక్షణమే పునరుద్ధరించుకోవాలని సూచించింది.

ఇదీ చదవండి :కొవిడ్​ ఆస్పత్రిలో భారీ అగ్ని ప్రమాదం