సర్పంచ్ అభ్యర్థులకు రాత పరీక్ష.. అందులో నెగ్గితేనే...

Sarpanch candidate written test: సర్పంచ్ పదవికి పోటీ చేయాలంటే అర్హతలేంటో మీకు తెలుసా? సాధారణంగా అయితే... 21 ఏళ్లు నిండి ఉండాలి. భారత పౌరుడై ఉండాలి.. ఇలా నిబంధనల్లో పొందుపర్చిన అర్హతలు కొన్ని ఉంటాయి. కానీ, ఓ గ్రామంలో మాత్రం సర్పంచ్ అభ్యర్థులను ఖరారు చేసేందుకు రాత పరీక్ష నిర్వహించారు. ఆ విశేషాలు మీరే చదవండి..

Sarpanch candidate written test: ఒడిశాలోని సుందర్​గఢ్ జిల్లా కుత్ర పంచాయతీలోని మాలుపాడా గ్రామంలో కొందరు వ్యక్తులు రాత పరీక్ష కోసం క్యూలో నిల్చున్నారు. అదేదో ప్రభుత్వ ఉద్యోగం కోసమో లేదా ఎంబీబీఎస్ సీటు కోసమో అనుకుంటే పొరపాటే. ఎందుకంటే సర్పంచ్ అభ్యర్థులను ఎంపిక చేసేందుకు నిర్వహించిన రాత పరీక్షలు అది.

మాలుపాడా పంచాయతీ

పంచాయతీ ఎన్నికల నేపథ్యంలో తమ గ్రామానికి పోటీ పడే సర్పంచ్ అభ్యర్థులను ఎంపిక చేయడానికి అక్కడి ఓటర్లు ఈ పరీక్ష పెట్టారు. అభ్యర్థుల విశ్వసనీయతపై అవగాహన కోసం ఇలా చేశారు. ప్రతి అభ్యర్థికీ ఏడు ప్రశ్నలు ఇచ్చారు. 'సర్పంచ్​ అభ్యర్థిగా నీ ఐదు లక్ష్యాలు ఏంటి? సర్పంచ్​గా గెలిస్తే వచ్చే ఐదేళ్లలో ఏం చేస్తావు? గడిచిన ఐదేళ్లలో చేసిన సేవా కార్యక్రమాల వివరాలేంటి?' వంటి ప్రశ్నలకు సమాధానాలు లిఖితపూర్వకంగా తీసుకున్నారు.

పంచాయతీ

మాలుపాడా గ్రామ సర్పంచ్ పదవికి పోటీ పడుతున్న తొమ్మిది మంది అభ్యర్థుల్లో ఎనిమిది మంది పరీక్షకు హాజరయ్యారు. ఓటర్లు తయారు చేసిన ప్రశ్నాపత్రానికి సమాధానాలు రాశారు. ఇందులో ముగ్గురు మాత్రమే విజయవంతంగా పరీక్షలో పాసయ్యారు.

ఇదీ చదవండి:తెల్లారితే పెళ్లి.. వధువు బ్రెయిన్ డెడ్.. తల్లిదండ్రుల షాకింగ్ నిర్ణయం!