కొవిడ్​తో మహిళ మృతి- ఆస్పత్రిపై దాడి

కొవిడ్​ కారణంగా తన భార్య చనిపోగా.. ఆగ్రహానికి లోనయ్యాడు ఓ వ్యక్తి. వైద్యులతో వాగ్వాదానికి దిగడమే కాకుండా.. తమ బంధువుల సాయంతో ఆసుపత్రిలోని సామగ్రిని ధ్వంసం చేశాడు. ఈ ఘటన మహారాష్ట్రలో జరిగింది.

మహారాష్ట్ర నాగ్​పుర్​లోని ఓ కొవిడ్​ ఆసుపత్రిలో కొంత మంది వ్యక్తులు బీభత్సం సృష్టించారు. కరోనా​ బారిన పడి చికిత్స పొందుతున్న ఓ మహిళ చనిపోగా.. ఆమె బంధువులు ఆగ్రహానికి లోనయ్యారు. సదరు మహిళ భర్త.. వైద్యులతో వాగ్వాదానికి దిగాడు. అనంతరం తన బంధువుల సాయంతో ఆసుపత్రిలోని రిసెప్షన్​ ప్రాంతాన్ని ధ్వంసం చేశాడు.

ఆసుపత్రిలోని సీసీటీవీలో నమోదైన దృశ్యాలు

పెట్రోల్​తో ఆసుపత్రిలోని టేబుళ్లను తగలబెట్టేందుకు వారు యత్నించారు. అయితే.. అప్రమత్తమైన ఆసుపత్రి సిబ్బంది.. మంటలను ఆర్పేశారు.

ఈ ఘటన దృశ్యాలు ఆసుపత్రిలోని సీసీటీవీల్లో నమోదయ్యాయి. దీనిపై పోలీసులు కేసు నమోదు చేశారు. మొత్తం 11 మంది ఈ విధ్వంసానికి పాల్పడగా.. 10 మంది నిందితులను అరెస్టు చేశామని డీసీపీ లోహిత్​ మతనీ తెలిపారు.

ఇదీ చూడండి:కొవిడ్ పంజా: దేశంలో ఒక్కరోజే లక్షకుపైగా కేసులు