జో బైడెన్​కు ప్రధాని మోదీ ఫోన్​

ప్రధానమంత్రి నరేంద్ర మోదీ.. అగ్రరాజ్య అధ్యక్ష ఎన్నికల విజేత జో బైడెన్​తో తొలిసారి ఫోన్​లో మాట్లాడారు. ఇరు దేశాల వ్యూహాత్మక బంధం బలోపేతంతో పాటు ఇతర విషయాలపై ఇరువురు చర్చించారు.

అమెరికా అధ్యక్ష ఎన్నికల విజేత జో బైడెన్​తో భారత ప్రధానమంత్రి నరేంద్ర మోదీ ఫోన్​లో సంభాషించారు. ఈ విషయాన్ని ప్రధాని తన ట్విట్టర్​ ఖాతాలో వెల్లడించారు. భారత్​-అమెరికా వ్యూహాత్మక భాగస్వామ్యాన్ని బలోపేతం చేసేందుకు ఇరువురు కట్టుబడి ఉన్నట్టు పేర్కొన్నారు మోదీ.

"అధ్యక్ష ఎన్నికల విజేత జో బైడెన్​తో ఫోన్​లో మాట్లాడి అభినందనలు తెలియజేశాను. భారత్​-అమెరికా వ్యూహాత్మక భాగస్వామ్య బలోపేతానికి ఇరువురు కట్టుబడి ఉన్నాము. కరోనా సంక్షోభం, వాతావరణ మార్పు, ఇండో-పెసిఫిక్​ ప్రాంతంలో సహకారం వంటి కీలక అంశాలపై చర్చించాము."

-- నరేంద్ర మోదీ, ప్రధానమంత్రి.

అధ్యక్ష ఎన్నికల్లో ప్రస్తుత అధ్యక్షుడు డొనాల్డ్​ ట్రంప్​ను బైడెన్​ ఓడించిన అనంతరం డెమొక్రటిక్​ నేతతో మోదీ మాట్లాడటం ఇదే తొలిసారి.

బైడెన్​ ప్రభుత్వంలో ఉపాధ్యక్ష పదవి చేపట్టబోతున్న భారత సంతతి కమలా హారిస్​కు కూడా అభినందనలు తెలియజేశారు ప్రధాని.

"ఆమె(హారిస్​) విజయం.. గర్వకారణమైన విషయం. భారత్​- అమెరికా బంధాన్ని బలోపేతం చేయడంలో కీలక పాత్ర పోషించే భారతీయ అమెరికన్​ సంఘానికి ఆమె స్ఫూర్తిదాయకం."

-- నరేంద్ర మోదీ, ప్రధానమంత్రి.

ఇదీ చూడండి:-మోదీ-ట్రంప్​ బంధాన్ని బైడెన్​ ఎలా స్వీకరిస్తారు?