కొండచిలువ గుడ్ల కోసం 54 రోజులు రహదారి పనులు బంద్
Highway works stopped for saving Python Eggs: కొండచిలువ గుడ్లను సంరక్షించేందుకు జాతీయ రహదారి పనులను ఏకంగా 54 రోజుల పాటు నిలిపివేసింది ఉరలుంగాల్ లేబర్ కాంట్రాక్ట్ కోఆపరేటివ్ సొసైటీ (యూఎల్సీసీ). ఈ సంఘటన కేరళలోని కాసర్గోడ్లో జరిగింది. 54 రోజుల పాటు జాగ్రత్తగా సంరక్షించిన అనంతరం.. మొత్తం 24 గుడ్ల నుంచి చిన్న పాము పిల్లలు బయటకు వచ్చాయి.
రహదారి విస్తరణ పనులు చేపడుతున్న క్రమంలో ఓ పైథాన్, దాని గుడ్లను ఓ మట్టి రంధ్రంలో కనుగొన్నారు యూఎల్సీసీ కార్మికులు. దీంతో ఆ గుడ్లను కాపాడేందుకు పనులను నిలిపివేశారు. అటవీ అధికారులు ఆ ప్రాంతానికి చేరుకొని పాము గుడ్లు పెడుతున్నట్లు గుర్తించారు. అయితే ఈ దశలో గుడ్లను అక్కడి నుంచి తరలిస్తే పాడైపోతాయని.. రోడ్డు పనులనే ఆపాలని యూఎల్సీసీ నిర్ణయించింది.