'ముస్లిం యువతి- హిందూ యువకుడి పెళ్లి చెల్లదు'

ముస్లిం యువతి- హిందూ యువకుడి మధ్య జరిగే పెళ్లి చెల్లదని పంజాబ్- హరియాణా​ హైకోర్టు తెలిపింది. ముస్లిం యువతి.. హిందువుగా మారేంతవరకు ఆ పెళ్లి చెల్లదని పేర్కొంది. ఓ 18ఏళ్ల ముస్లిం యువతి- 25ఏళ్ల హిందూ యువకుడు వేసిన వ్యాజ్యంపై ఈ మేరకు స్పందించింది.

ముస్లిం యువతి- హిందూ యువకుడి మధ్య జరిగే పెళ్లి చెల్లదని పంజాబ్- హరియాణా​ హైకోర్టు వ్యాఖ్యానించింది. ముస్లిం యువతి మతం మార్చుకుని.. హిందువుగా మారినప్పుడే వివాహం చెల్లుతుందని స్పష్టం చేసింది. 18ఏళ్ల ముస్లిం యువతి- 25ఏళ్ల హిందూ యువకుడు వేసిన పిటిషన్​పై విచారణ చేపట్టిన హైకోర్టు ఈ వ్యాఖ్యలు చేసింది.

ఇదీ జరిగింది..

ఈ ఏడాది జనవరిలో.. ఓ 18ఏళ్ల ముస్లిం యువతి, 25సంవత్సరాల హిందూ యువకుడు శివాలయంలో పెళ్లి చేసుకున్నారు. అయితే తమకు పెద్దల నుంచి ప్రాణభయం ఉందని అంబాల ఎస్పీని భద్రత కోరారు. ఆయన రక్షణ కల్పించలేదు. అనంతరం వారు హైకోర్టులో వ్యాజ్యం దాఖలు చేశారు.

విచారణ జరిపిన న్యాయస్థానం.. యువతి మతం మార్చుకునేంత వరకు వారిద్దరి పెళ్లి చెల్లదని స్పష్టం చేసింది. అయితే వారిద్దరు మేజర్లు కాబట్టి సహజీవనం చేయవచ్చని పేర్కొంది. వారిద్దరికీ భద్రత కల్పించాలని అంబలా ఎస్పీని ఆదేశించింది.

ఇదీ చదవండి:ఉత్తర్​ప్రదేశ్​లో తొలి 'లవ్​ జిహాద్' కేసు

ఇదీ చదవండి:'హిందువా.. ముస్లిమా అనవసరం- మేజర్లా.. కాదా?'