మహారాష్ట్రలో కరోనా కేసులు తగ్గుముఖం పట్టాయి. తాజాగా 47,288 మంది వైరస్ బారిన పడ్డారు. మరో 155మంది చనిపోయారు. దీంతో రాష్ట్రంలో మొత్తం కేసుల సంఖ్య 30 లక్షల 57 వేలు దాటగా.. మృతుల సంఖ్య 56,033కు చేరింది. కాగా సోమవారం ఒక్కరోజే 26,252 మంది వైరస్ను జయించారు.
ముంబయి నగరంలోనే 9,857 మందికి కరోనా పాజిటివ్ తేలగా.. 21 మంది మృతి చెందారు.
కన్నడనాట కరోనా ఉద్ధృతి
కర్ణాటకలో కరోనా విజృంభిస్తోంది. ఒక్కరోజే 5,279 మంది కరోనా బారిన పడగా.. మరో 32 మంది కొవిడ్తో ప్రాణాలు కోల్పోయారు. రాష్ట్రంలో మొత్తం బాధితుల సంఖ్య 10 లక్షల 20 వేలు దాటింది.
- తమిళనాడులో కొవిడ్ బాధితుల సంఖ్య రోజురోజుకూ పెరుగుతోంది. కొత్తగా 3,672 మందికి వైరస్ సోకింది. మరో 11మంది మరణించారు.
- దిల్లీలో ఒక్కరోజులో నమోదైన కేసుల సంఖ్యలో తగ్గుదల కనిపిస్తోంది. కొత్తగా 3,548 మందికి వైరస్ పాజిటివ్ తేలింది. మరో 15 మంది చనిపోయారు.
- గుజరాత్లో తాజాగా 3,160 కేసులు నమోదవగా.. 15 మంది కొవిడ్కు బలయ్యారు.
- రాజస్థాన్లో కొత్తగా 2,429 మందికి వైరస్ సోకింది. మరో 12 చనిపోయారు.
- కేరళలోనూ కొవిడ్ విస్తరణ కొనసాగుతోంది. ఒక్కరోజే 2,357 మందికి కరోనా పాజిటివ్గా తేలింది.
- హరియాణాలో సోమవారం ఒక్కరోజు 2000 వేలమందికి పైగా వైరస్ బారిన పడ్డారు.
ఇదీ చూడండి:ఈ నెల 8న సీఎంలతో ప్రధాని భేటీ
