మన సౌలభ్యం కోసం ప్లాస్టిక్ వస్తువులను తరచుగా ఉపయోగించడం అలవాటే. కానీ ఈ అలవాటు మూగ జీవాల పాలిట శాపంగా తయారైంది. మనం వాడిన ప్లాస్టిక్ వస్తువులను చెత్తకుప్పల్లో పడేసి చేతులు దులుపుకుంటున్నాం. ఆహార వేటలో ఆ మూగ జీవాలు ప్లాస్టిక్ వస్తువులను తిని తీవ్ర అస్వస్థతకు గురవుతున్నాయి. ఇందుకు కర్ణాటకలో జరిగిన సంఘటనే ఓ ఉదాహరణ.
ఆవు కడుపులో 75 కిలోల ప్లాస్టిక్ వ్యర్థాలు - ఆవుకు ఆపరేషన్
కర్ణాటక ధార్వాడ్లో ఓ ఆవు కడుపులో నుంచి దాదాపు 75కిలోల ప్లాస్టిక్ వ్యర్థాలను బయటకు తీశారు వైద్యులు. అయితే వారి శ్రమకు ఫలితం దక్కలేదు. తీవ్ర అనారోగ్యంతో గోమాత మరణించింది.
ఆవు కడుపులో 75 కిలోల ప్లాస్టిక్ వ్యర్థాలు
ధార్వాడ్ జిల్లాలోని కల్యాణ నగర ప్రాంతంలో ఓ ఆవు అస్వస్థతకు గురైంది. దీంతో స్థానికులు పశువైద్యులకు సమాచారం అందించారు. అక్కడికి చేరుకున్న వైద్యులు.. గోమాత కడుపులో ప్లాస్టిక్ వ్యర్థాలు ఉన్నట్లు గుర్తించారు. అనంతరం శస్త్రచికిత్స చేసి ఆవు కడుపులో నుంచి దాదాపు 75 కిలోల ప్లాస్టిక్ పదార్థాలను బయటకు తీశారు. అయితే వారి శ్రమ వృథా అయిపోయింది. ఆ గోమాత మరణించింది. దీంతో జంతు ప్రేమికులు ఆందోళన వ్యక్తం చేస్తున్నారు.
ఇదీ చూడండి:అడవులకు పశు తాకిడి- హరించుకుపోతున్న పచ్చదనం