కరోనా వ్యాక్సినేషన్ డ్రైవ్లో భారత్ సరికొత్త రికార్డు నెలకొల్పినట్టు కేంద్ర ఆరోగ్య శాఖ వెల్లడించింది. ఒక్కరోజులోనే 30లక్షల 39వేల 394 మందికి టీకా అందించి.. ఈ ఘనత సాధించిన తొలిదేశంగా నిలిచిందని పేర్కొంది. మార్చి 15న(59వ రోజు) చేపట్టిన వ్యాక్సినేషన్ డ్రైవ్ ద్వారా ఈ ఘనత సాధించినట్టు తెలిపింది.
ఒక్కరోజులోనే 30 లక్షల టీకాలతో భారత్ రికార్డ్ - కేంద్ర ఆరోగ్య శాఖ వార్తలు
కొవిడ్-19 వ్యాక్సినేషన్లో భారత్ దూసుకుపోతోంది. సోమవారం ఒక్కరోజే 30 లక్షల మందికిపైగా వ్యాక్సిన్ అందించి.. కొత్త రికార్డ్ సృష్టించింది.
ఒక్కరోజులోనే 30లక్షలకుపైగా టీకాలతో భారత్ రికార్డ్
ఫలితంగా.. దేశంలో మొత్తం టీకా లబ్ధిదారుల సంఖ్య 3 కోట్ల 29 లక్షల 47వేల 432 దాటినట్టు స్పష్టం చేసింది ఆరోగ్య శాఖ. ఇప్పటివరకు 5లక్షల 55వేలకుపైగా సెషన్లు నిర్వహించినట్టు పేర్కొంది. వ్యాక్సిన్ లబ్ధిదారుల్లో సుమారు కోటి మందికిపైగా 60ఏళ్ల పైబడిన వారే ఉన్నారని వివరించింది.
ఇదీ చదవండి:దేశంలో కొత్తగా 24,492 కరోనా కేసులు