ఐరాస ఆర్థిక, సామాజిక మండలిలో భారత్

ఐరాస ఆర్థిక, సామాజిక మండలిలో భారత్​కు చోటు లభించింది. సోమవారం జరిగిన ఎన్నికల్లో 2022-24 కాలానికి సభ్య దేశంగా భారత్​ ఎన్నికైంది.

ఐక్యరాజ్య సమితిలో కీలకమైన ఆర్థిక, సామాజిక మండలి(ఈసీఓఎస్​ఓసీ) 2022-24 కాలానికి సభ్యదేశంగా ఎన్నికైంది భారత్​. సోమవారం మూడేళ్ల కాలానికి జరిగిన ఎన్నికల్లో ఆసియా నుంచి అఫ్గానిస్థాన్, కజకిస్థాన్, ఒమన్​లు భారత్​తో పాటు ఎన్నికయ్యాయి. సభ్య దేశాలు ఆర్థిక, సామాజిక, పర్యావరణ రంగాల్లో స్థిర అభివృద్ధిని ముందుకు తీసుకెళ్లడంలో ఈసీఓఎస్​ఓసీ ముఖ్య భూమిక పోషిస్తోంది.

ఈ నేపథ్యంలో భారత్​పై విశ్వాసం ఉంచినందుకు ఐరాస సభ్య దేశాలకు కృతజ్ఞతలు తెలిపారు ఐరాసలో భారత రాయబారి టీఎస్ తిరుమూర్తి.

ఇదీ చూడండి:ఐరాస నుంచి భారత్​కు 10వేల ఆక్సిజన్ కాన్సన్​ట్రేటర్లు