Covid Cases in India: దేశంలో కరోనా వ్యాప్తి స్థిరంగా ఉంది. శుక్రవారం ఉదయం 8 గంటల నుంచి శనివారం 8 గంటల వరకు 15,815 మందికి కరోనా వైరస్ సోకినట్లు నిర్ధరణ అయింది. 68 మంది ప్రాణాలు కోల్పోయారు. పాజిటివిటీ రేటు 4.36 శాతానికి తగ్గింది. 24 గంటల వ్యవధిలో కొవిడ్ నుంచి 20,018 మంది కోలుకున్నారు. రికవరీ రేటు 98.54 శాతానికి చేరుకుంది. యాక్టివ్ కేసులు 0.27 శాతానికి పడిపోయాయి.
- మొత్తం కేసులు: 4,42,39,372
- క్రియాశీల కేసులు: 1,19,264
- మొత్తం మరణాలు: 5,26,996
- కోలుకున్నవారు: 4,35,73,094
Vaccination India:
భారత్లో శుక్రవారం 24,43,064 మందికి టీకాలు అందించగా.. ఇప్పటివరకు పంపిణీ చేసిన వ్యాక్సిన్ డోసుల సంఖ్య 207,71,62,098కు చేరింది. మరో 3,62,802 మందికి కరోనా నిర్ధరణ పరీక్షలు చేశారు.
World Covid Cases: ప్రపంచ దేశాల్లోనూ కరోనా విలయం కొనసాగుతోంది. కొత్తగా 7,80,825 మంది వైరస్ బారినపడగా.. మరో 2,093 మంది ప్రాణాలు కోల్పోయారు. మొత్తం కేసుల సంఖ్య 59,39,36,453కు చేరింది. ఇప్పటివరకు వైరస్తో 64,51,705 మంది మరణించారు. ఒక్కరోజే 7,60,524 మంది కోలుకున్నారు. దీంతో మొత్తం కోలుకున్నవారి సంఖ్య 56,60,04,736కు చేరింది.
- జపాన్లో కరోనా విచ్చలవిడిగా వ్యాపిస్తోంది. కొత్తగా 2,24,929 కేసులు నమోదయ్యాయి. 214 మంది మరణించారు.
- దక్షిణ కొరియాలో 1,28,671 కేసులు వెలుగులోకి వచ్చాయి. 58 మంది ప్రాణాలు కోల్పోయారు.
- అమెరికాలో 85,116 కేసులు బయటపడ్డాయి. 335 మంది మరణించారు.
- జర్మనీలో 45,859 కొవిడ్ కేసులు నమోదుకాగా... 137 మంది చనిపోయారు.
- రష్యాలో తాజాగా 27,810 మంది కరోనా బాడినపడ్డట్లు తేలింది. 57 మంది ప్రాణాలు కోల్పోయారు.
- ఇటలీలో 26,689 మంది వైరస్ బారిన పడ్డారు. 152 మంది మృతి చెందారు.
కొవిడ్ అన్ని వేరియంట్లను తట్టుకొనే యాంటీబాడీలు
కొవిడ్-19 కారక సార్స్‌-కోవ్‌-2 అన్నిరకాల వేరియంట్లపై సమర్థంగా పోరాడగలిగే యాంటీబాడీలను శాస్త్రవేత్తలు గుర్తించారు. ఫలితంగా భవిష్యత్తుల్లో కొవిడ్-19 అన్నిరకాల వేరియంట్ల నుంచి రక్షణ కల్పించే టీకాను తయారుచేసేందుకు మార్గం సుగమం కానుంది. అమెరికాలోని శాన్‌డిగోలోని స్క్రిప్స్‌ పరిశోధక సంస్థ శాస్త్రవేత్తలు కోతుల్లో ఈ కొత్త యాంటీబాడీలను గుర్తించారు. ఇవి 2003లో వ్యాప్తిచెందిన అత్యంత ప్రాణాంతకమైన సార్స్‌-కోవ్‌-1 వంటి ఇతర సార్స్‌ వైరస్‌లపైనా సమర్థంగా పోరాడుతున్నట్లు వెల్లడైంది.
కొన్ని రకాల జంతువులు మనుషుల కంటే మెరుగ్గా అన్ని రకాల సార్స్‌ వైరస్ యాంటీబాడీలను తయారు చేసుకోగలవని అధ్యయనంలో తేలింది. శాస్త్రవేత్తలు రీసస్‌ మకాక్‌ కోతులకు రెండు డోసుల సార్స్‌-కోవ్‌-2 స్పైక్‌ ప్రొటీన్‌ రోగనిరోధక శక్తిని అందించారు. అనంతరం పరిశీలించగా.. కోతులు ఒమిక్రాన్‌ వేరియంట్‌ సహా వైరస్‌కు సంబంధించి యాంటీబాడీ స్పందనలను కలిగి ఉండడాన్ని గుర్తించారు. కొత్తగా పుట్టుకొచ్చే సార్స్‌-కోవ్‌-2 వేరియంట్లతోపాటు, ఇతర సార్స్‌ సంబంధిత వైరస్‌ల నుంచీ రక్షణ కల్పించే అధునాతన టీకాలను తయారుచేసేందుకు ఈ అధ్యయనం ఫలితాలు సహకరిస్తాయని శాస్త్రవేత్తలు తెలిపారు.
