IBPS జాబ్​​​ క్యాలెండర్​ విడుదల - క్లర్క్, పీవో పరీక్షలు ఎప్పుడంటే?

IBPS Calendar 2024 : బ్యాంకింగ్ ఉద్యోగాల కోసం ప్రిపేర్ అవుతున్న అభ్యర్థులకు గుడ్ న్యూస్​. ఇన్​స్టిట్యూట్ ఆఫ్ బ్యాంకింగ్ పర్సనల్ సెలక్షన్​ (IBPS) 2024వ సంవత్సరంలో నిర్వహించనున్న క్లర్క్​, పీవో, స్పెషలిస్ట్ ఆఫీసర్ ఎగ్జామ్​​ (Tentative Calendar) క్యాలెండర్​ను విడుదల చేసింది. పూర్తి వివరాలు మీ కోసం.

IBPS Calendar 2024 : ఇన్​స్టిట్యూట్​ ఆఫ్ బ్యాంకింగ్​ పర్సనల్ సెలక్షన్​ (IBPS) 2024 సంవత్సరంలో నిర్వహించనున్న వివిధ పరీక్షల (Tentative Calendar) క్యాలెండర్​ను విడుదల చేసింది. ముఖ్యంగా క్లర్క్, ప్రొబేషనరీ ఆఫీసర్​, స్పెషలిస్ట్ ఆఫీసర్​ పరీక్షల తేదీలను ఐబీపీఎస్​ ప్రకటించింది. వీటితోపాటు రీజనల్​ రూరల్​ బ్యాంక్ (RRB)​లకు సంబంధించిన ఆఫీస్​ అసిస్టెంట్​, ఆఫీసర్​ పరీక్షల​ తేదీలను కూడా ప్రకటించింది. వాటి పూర్తి వివరాలు ఇప్పుడు తెలుసుకుందాం.

IBPS RRB Exam Dates :ఐబీపీఎస్ ప్రాంతీయ గ్రామీణ బ్యాంకుల్లోని ఆఫీస్​ అసిస్టెంట్​, ఆఫీసర్ (స్కేల్-1) పోస్టుల భర్తీ కోసం షెడ్యూల్ ఖరారు చేసింది. వీటి పరీక్ష తేదీలు ఎప్పుడంటే?

• ప్రిలిమినరీ పరీక్ష తేదీలు : 2024 ఆగస్టు 3, 4, 10, 17, 18
• సింగిల్ ఎగ్జామ్ తేదీ : 2024 సెప్టెంబర్​ 29
• మెయిన్ ఎగ్జామ్ తేదీ :

ఆఫీసర్ స్కేల్ 1	2024 సెప్టెంబర్​ 29
ఆఫీస్​ అసిస్టెంట్	2024 అక్టోబర్ 6

IBPS Clerk And PO Exam Dates :పబ్లిక్ సెక్టార్​ బ్యాంకుల్లోని క్లర్క్, పీవో, స్పెషలిస్ట్​ ఆఫీసర్ పరీక్షల తేదీలను కూడా ఐబీపీఎస్ విడుదల చేసింది. వాటి వివరాలు ఇప్పుడు తెలుసుకుందాం.

క్లర్క్ పరీక్ష తేదీలు

• ప్రిలిమినరీ పరీక్ష తేదీలు : 2024 ఆగస్టు 24, 25, 31
• మెయిన్ ఎగ్జామినేషన్​ తేదీ : 2024 అక్టోబర్​ 13

ప్రొబేషనరీ ఆఫీసర్​ (PO) పరీక్ష తేదీలు

• ప్రిలిమినరీ పరీక్ష తేదీలు : 2024 అక్టోబర్​ 19
• మెయిన్ ఎగ్జామినేషన్​​ తేదీ : 2024 అక్టోబర్​ 20

స్పెషలిస్ట్ ఆఫీసర్​ (SO) పరీక్ష తేదీలు

• ప్రిలిమినరీ పరీక్ష తేదీలు : 2024 నవంబర్​​ 9
• మెయిన్ ఎగ్జామినేషన్​​ తేదీ : 2024 డిసెంబర్​ 14

ఐబీపీఎస్​ రిజిస్ట్రేషన్ ప్రాసెస్​
ఆసక్తిగల అభ్యర్థులు ఐబీపీఎస్​ అధికారిక వెబ్​సైట్​ https://ibps.in/ ఓపెన్ చేసి, అందులో రిజిస్ట్రేషన్ చేసుకోవచ్చు. ఇక్కడ గుర్తుంచుకోవాల్సిన విషయం ఏమిటంటే, ఈ ఐబీపీఎస్ రిజిస్ట్రేషన్​ను కేవలం ఆన్​లైన్ మోడ్​లో మాత్రమే చేసుకోవాల్సి ఉంటుంది.

అప్​లోడ్ చేయాల్సిన పత్రాల వివరాలు

1. అభ్యర్థి ఫొటోగ్రాఫ్​ : ఇది 20kb - 50kb సైజ్​లో .jpeg ఫైల్ ఫార్మాట్​ ఉండాలి.
2. అభ్యర్థి సంతకం : ఇది 10kb - 20kb సైజ్​లో .jpeg ఫైల్ ఫార్మాట్​ ఉండాలి.
3. థంబ్ ఇంప్రెషన్​ :అభ్యర్థి బొటనవేలు ముద్ర 20kb - 50kb సైజ్​లో .jpeg ఫైల్ ఫార్మాట్​ ఉండాలి.
4. అభ్యర్థులు నిర్దేశిత ఫార్మాట్​ ప్రకారం, చేతితో డిక్లరేషన్ రాయాలి. దానిని స్కాన్ చేసి అప్లోడ్ చేయాలి. ఇది 50kb - 100kb సైజ్​లో .jpeg ఫైల్ ఫార్మాట్​ ఉండాలి. (ఐబీపీఎస్ విడుదల చేసే నోటిఫికేషన్​లో ఈ డిక్లరేషన్ ఫార్మాట్ ఉంటుంది.)

నోట్​ : ఈ పరీక్ష తేదీలను, మార్గదర్శకాలను, నియామక ప్రక్రియలను మార్చే హక్కు ఐబీపీఎస్​కు ఉంటుంది. ఈ విషయాన్ని అభ్యర్థులు గమనించాలి.

సరిగ్గా ప్రిపేర్ అయితే విజయం గ్యారెంటీ
ఐబీపీఎస్ పరీక్షలకు ప్రిపేర్ కావడానికి సరిపడా సమయం ఉంది. కనుక, అభ్యర్థులు ఇప్పటి నుంచే ఒక సరైన ప్రణాళిక ప్రకారం చదివితే, కచ్చితంగా విజయం సాధించడానికి వీలవుతుంది. ఆల్​ ది బెస్ట్!