వలపు వలలో చిక్కి దేశ సమాచారం లీక్​.. వాయుసేన అధికారి అరెస్ట్​!

పాకిస్థాన్ మహిళ హనీట్రాప్​లో చిక్కుకుని దేశ భద్రతకు సంబంధించిన కీలక సమాచారాన్ని లీక్ చేసిన ఐఏఎఫ్​ అధికారిని పోలీసులు అరెస్టు చేశారు. అతడ్ని తక్షణమే సర్వీస్​ నుంచి తొలగించినట్లు వెల్లడించారు.

IAF officer arrest: భారత వైమానిక దళానికి చెందిన అధికారి దేవేంద్ర శర్మను దిల్లీ క్రైం బ్రాంచ్ పోలీసులు అరెస్టు చేశారు. పాకిస్థాన్​కు చెందిన మహిళ హనీ ట్రాప్​లో చిక్కుకుని దేశ భద్రతకు సంబంధించిన ముఖ్యమైన సమాచారాన్ని లీక్ చేసినట్లు శర్మపై ఆరోపణలు ఉన్నాయి. పాక్ మహిళ.. సామాజిక మాధ్యమాల ద్వారా దేవేంద్ర శర్మను ట్రాప్ చేసినట్లు గుర్తించారు పోలీసులు. అతను దిల్లీ ఎయిర్​ఫోర్స్​లో ఎయిర్​మెన్​గా పనిచేస్తున్నట్లు వెల్లడించారు.

Honey Trapped IAS Officer: మిలిటరీ ఇంటెలిజెన్స్, దిల్లీ క్రైమ్ బ్రాంచ్ సంయుక్త ఆపరేషన్‌ నిర్వహించి దేవేంద్ర శర్మను అదుపులోకి తీసుకుంది. అతని ద్వారా సమాచారం బయటకు వెళ్తున్నట్లు నిర్ధరించుకున్న తర్వాతే ఈ చర్యలకు ఉపక్రమించారు. మే 6న కస్టడీలోకి తీసుకోగా.. గురువారం (మే 12) విచారణ ప్రారంభించారు. ఆధారాలు, సాక్ష్యాలు ఇచ్చిన సమాచారం ప్రకారమే దేవేంద్ర శర్మను అరెస్టు చేశామని అధికారులు తెలిపారు. అతన్ని సర్వీస్ నుంచి తొలగించినట్లు వెల్లడించారు.

ఇదీ చదవండి:స్నేహితుడిని కలిసేందుకు దుబాయ్​ వెళ్లి.. ఎమ్మెల్యే హఠాన్మరణం