పాక్ విమానాన్ని కూల్చేసిన అభినందన్​కు 'వీర్​ చక్ర'

వైమానిక దళ గ్రూప్ కమాండర్ అభినందన్​ వర్ధమాన్(abhinandan varthaman) మూడో అత్యున్నత సైనిక పురస్కారం​ 'వీర్​ చక్ర' అందుకున్నారు. 2019లో బాలాకోట్​ వైమానిక దాడుల్లో పాల్గొన్న అభినందన్ పాక్​కు చెందిన ఎఫ్-16 విమానాన్ని కూల్చేశారు.

భారత వైమానిక దళ గ్రూప్ కమాండర్ అభినందన్ వర్ధమాన్​కు​ 'వీర్ ​చక్ర' పురస్కారాన్ని (abhinandan varthaman award) ప్రదానం చేసింది కేంద్రం. దిల్లీలో సోమవారం జరిగిన ఓ కార్యక్రమంలో రాష్ట్రపతి రామ్​నాథ్ కోవింద్ చేతుల మీదుగా ఈ అవార్డును అభినందన్ అందుకున్నారు. యుద్ధ సమయాల్లో చూపిన అద్భుత పోరాటపటిమకు గాను సైనికులను అందించే మూడో అత్యున్నత పురస్కారం వీర్​ చక్ర(abhinandan varthaman awarded vir chakra).

రాష్ట్రపతికి సెల్యూట్ చేస్తున్న అభినందన్

వీర్​ చక్ర పురస్కారం ప్రదానం

భారత సైన్యంలో సేవలందిస్తున్న అభినందన్.. బాలాకోట్​ వైమానిక దాడుల్లో పాక్​ సైన్యంతో వీరోచితంగా పోరాడారు. 2019 ఫిబ్రవరి 27న వింగ్ కమాండర్ హోదాలో పాకిస్థాన్​కు చెందిన ఎఫ్-16 ఫైటర్ జెట్​ను కూల్చేశారు. శత్రు దేశానికి పట్టుబడిన సమయంలోనూ అసాధారణ ధైర్యసాహసాలు ప్రదర్శించారు.

మరికొందరికీ..

• వివిధ ఆపరేషన్లలో ఐదుగురు ఉగ్రవాదులను మట్టుబెట్టి, 200 కిలోల పేలుడు పదార్థాలను స్వాధీనం చేసుకున్న మేజర్ విభూతి శంకర్ ధౌండియాల్​కు శౌర్య చక్ర (మరణానంతరం) ప్రదానం చేశారు. ఆయన భార్య లెఫ్టినెంట్ నితికా కౌల్ రాష్ట్రపతి చేతుల మీదుగా ఈ అవార్డును అందుకున్నారు.
  

  అవార్డు అందుకుంటున్న మేజర్ విభూతి శంకర్ ధౌండియాల్ సతీమణి
• జమ్ముకశ్మీర్​లో జరిగిన ఓ ఆపరేషన్‌లో పలువురు ఉగ్రవాదులను అంతమొందించిన 'కార్ప్స్ ఆఫ్ ఇంజనీర్స్'కు చెందిన సాపర్ ప్రకాష్ జాదవ్ రెండో అత్యున్నత గ్యాలెంట్రీ అవార్డు 'కీర్తి చక్ర'కు (మరణానంతరం) ఎంపికయ్యారు. రాష్ట్రపతి చేతుల మీదుగా ఆయన సతీమణి, తల్లి ఈ అవార్డును అందుకున్నారు.
  

  అవార్డు అందుకుంటున్న ప్రకాశ్ జాదవ్ సీతమణి, తల్లి
• జమ్మూలో జరిగిన ఆపరేషన్‌లో మోస్ట్ వాంటెడ్ ఉగ్రవాదిని(A++ కేటగిరీకి చెందిన) హతమార్చి, ఆ పోరులో అమరుడైన నాయబ్ సుబేదార్ సోంబిర్ తల్లి, భార్య కలిసి 'శౌర్య చక్ర' అందుకున్నారు.
  

  అవార్డు అందుకుంటున్న నాయబ్ సుబేదార్ సోంబిర్ సీతమణి, తల్లి

ఇవీ చదవండి: