'నోటీసులు ఇవ్వకుండా అర్ణబ్​ను అరెస్టు చేయొద్దు'

టీఆర్​పీ స్కాంకు సంబంధించి మూడు రోజుల ముందస్తు నోటీసు లేకుండా అర్ణబ్ గోస్వామిని అరెస్టు చేయవద్దని ముంబయి పోలీసులకు బాంబే హైకోర్టు స్పష్టం చేసింది. పోలీసులు దగ్గర అర్ణబ్ ​గానీ, ఆయన టీవీ ఉద్యోగులు గానీ స్కాంకు పాల్పడినట్లు ఆధారాలే లేవని పిటిషనర్​ తరఫు న్యాయవాది వాదించారు. ఈ వాదనలతో న్యాయస్థానం ఏకీభవించింది.

టీఆర్​పీ స్కాంకు సంబంధించి రిపబ్లిక్​ టీవీ ఎడిటర్​ అర్ణబ్​ గోస్వామికి మూడు రోజుల ముందస్తు నోటీసులు ఇవ్వకుండా అరెస్టు చేయరాదని ముంబయి పోలీసులను బాంబే హైకోర్టు ఆదేశించింది. అరెస్టు చేయాలంటే తప్పనిసరిగా నోటీసు ఇవ్వాలని స్పష్టం చేసింది.

టీఆర్​పీ కేసు విచారణను జస్టిస్​ ఎస్​ఎస్​ షిండే, జస్టిస్​ మనీశ్​ పిటాలే నేతృత్వంలోని ధర్మాసనం చేపట్టింది. పోలీసుల దగ్గర అర్ణబ్​ గానీ, ఆయన టీవీ ఉద్యోగులు గానీ స్కాంకు పాల్పడినట్లు ఆధారాలే లేవని పిటిషనర్​ తరఫు న్యాయవాది వాదించారు. ఈ వాదనలతో న్యాయస్థానం ఏకీభవించింది. ఈ కేసుకు సంబంధించి అర్ణబ్​ స్కాం చేసినట్లు తగిన ఆధారాలు లేవని తేల్చింది.

ఒక కేసులో నిందితుడు ఎవరన్నది పేర్కొనకుండా నెలల తరబడి దర్యాప్తు చేయకూడదని పోలీసులకు న్యాయస్థానం స్పష్టం చేసింది. మరో 12 వారాల్లోగా దర్యాప్తును ముగిస్తామన్న మహారాష్ట్ర అభ్యర్థనను పరిగణనలోకి తీసుకుంది. అదే విధంగా దర్యాప్తును ఆపాలని ఆదేశించాలన్న పిటిషనర్​ అభ్యర్థనను తోసిపుచ్చింది. విచారణను జూన్​ 28వరకు కొనసాగిస్తామని స్పష్టం చేసింది.

ఇదీ చదవండి:కుమారుడి ప్రేమ వివాహం- కుటుంబం గ్రామ బహిష్కరణ