మధ్యప్రదేశ్ భోపాల్‌లోని ప్రభుత్వ కమలా నెహ్రూ చిల్డ్రన్స్ ఆసుపత్రిలో సోమవారం రాత్రి సంభవించిన అగ్ని ప్రమాదంలో మృతుల సంఖ్య ఎనిమిదికి పెరిగింది. ఈ ఘటనపై విచారం వ్యక్తం చేసిన మధ్యప్రదేశ్ ముఖ్యమంత్రి శివరాజ్ సింగ్ చౌహాన్.. అగ్నిప్రమాదంలో పిల్లలు మరణించడం అత్యంత బాధాకరమని ట్వీట్ చేశారు. ఘటనపై ఉన్నత స్థాయి విచారణకు ఆదేశించినట్లు తెలిపారు. మృతుల తల్లిదండ్రులకు రూ.4 లక్షల చొప్పున ఎక్స్‌గ్రేషియా అందజేయనున్నట్లు ప్రకటించారు.
"చిన్నారుల మరణం అత్యంత బాధ కలిగించింది. వారి ఆత్మకు శాంతి కలగాలని భగవంతుడిని ప్రార్థిస్తున్నా. చిన్నారుల కుటుంబాలకు నా ప్రగాఢ సానుభూతి తెలియజేస్తున్నా. ప్రమాదంలో గాయపడిన వారు త్వరగా కోలుకోవాలని ప్రార్థిస్తున్నా."