దిల్లీ సరిహద్దులకు రైతులు.. ఆందోళనలు ఉద్ధృతం!

వ్యవసాయ పనులు పూర్తయిన తర్వాత రైతుల మళ్లీ దిల్లీలోని సింఘు, టిక్రీ సరిహద్దు ప్రాంతాలకు భారీ సంఖ్యలో చేరుకుంటారని రైతు సంఘం సంయుక్త కిసాన్​ మోర్చా తెలిపింది. నిరసనలను మరింత ఉద్ధృతం చేస్తామని పేర్కొంది.

నూతన సాగు చట్టాలపై నిరసనలు కొనసాగుతాయని సంయుక్త కిసాన్​ మోర్చా (ఎస్​కేయూ) స్పష్టం చేసింది. తమ వ్యవసాయ పనులు పూర్తయిన తర్వాత సింఘు, టిక్రీ సరిహద్దు ప్రాంతాలకు రైతులు తిరిగి చేరుకుంటారని పేర్కొంది. సోమవారం.. రైతులు భారీ సంఖ్యలో ఆ ప్రాంతాలకు చేరుకున్నట్లు రైతు సంఘాల నేతలు తెలిపారు.

"సోమవారం.. సింఘు, టిక్రీ సరిహద్దుల్లోని నిరసన ప్రదేశాలకు పెద్ద సంఖ్యలో రైతులు వచ్చారు. ఆందోళనకు మద్దతుగా పంజాబ్​ నుంచి వచ్చిన రైతులను స్వాగతించాం. ట్రాక్టర్లు, కార్లు సహా ఇతర వాహనాల్లో వచ్చినవారి కోసం గుడారాలు ఏర్పాటు చేశాం. ఆందోళనలు మరింత ఉద్ధృతంగా కొసాగిస్తాం. "అని ఎస్​కేయూ పేర్కొంది.

అలాగే ప్రజారోగ్య వ్యవస్థ దుర్వినియోగం వల్ల వేలాది మంది ప్రాణాలు కోల్పోతున్న సమయంలోనూ ప్రభుత్వం ప్రవేటీకరణను ప్రోత్సహిస్తోందని తీవ్ర ఆరోపణలు చేసింది. విద్యా, వైద్యం, వ్యవసాయ రంగాలపై ప్రభుత్వం పెట్టుబడులు పెంచాలని సూచించింది.

ఇదీ చూడండి:'కరోనా సెకండ్​ వేవ్​ తగ్గుముఖం!'