దేవెగౌడ కుటుంబం రికార్డు- నాలుగు చట్టసభలకు ప్రాతినిధ్యం

Devegowda Family politics: మాజీ ప్రధాని దేవెగౌడ కుటుంబం అరుదైన రికార్డు సృష్టించింది. లోక్​సభ, రాజ్యసభతో పాటు రాష్ట్ర ఉభయ సభల్లో ప్రాతినిధ్యం వహిస్తున్న కుటుంబంగా ఘనత సాధించింది.

Devegowda family politics: మాజీ ప్రధానమంత్రి హెచ్​డీ దేవెగౌడ కుటుంబం దేశ రాజకీయాల్లో అరుదైన ఘనత సాధించింది. పార్లమెంట్​తో పాటు కర్ణాటక అసెంబ్లీ ఉభయసభల్లో ప్రాతినిధ్యం వహిస్తున్న కుటుంబంగా అవతరించింది. తాజాగా వెలువడిన ఎమ్మెల్సీ ఎన్నికల ఫలితాల్లో దేవెగౌడ మనవడు సూరజ్ రేవన్న గెలుపొందిన తర్వాత ఈ రికార్డు సృష్టించింది. దేవెగౌడ పెద్ద కుమారుడు హెచ్​డీ రేవన్న వారసుడే సూరజ్ రేవన్న.

సూరజ్ రేవన్న

Devegowda grandson suraj

జేడీఎస్ అధినేత హెచ్​డీ దేవెగౌడ రాజ్యసభ సభ్యునిగా ఉండగా... ఆయన చిన్న కుమారుడు హెచ్​డీ కుమారస్వామి చెన్నపట్నం ఎమ్మెల్యేగా సేవలందిస్తున్నారు. సూరజ్ సోదరుడు ప్రజ్వల్​.. హాసన్​ లోక్​సభ స్థానం నుంచి ఎంపీగా ఉన్నారు. ఇప్పుడు సూరజ్ శాసనమండలికి ఎన్నికయ్యారు.

అభినందనలు చెబుతున్న కుటుంబ సభ్యులు, నేతలు

వీరితో పాటు మరికొందరు కుటుంబ సభ్యులు సైతం ప్రజా జీవితంలో ఉన్నారు. సూరజ్ తండ్రి హెచ్​డీ రేవన్న ప్రస్తుతం హొలెనర్సిపుర నుంచి ఎమ్మెల్యేగా ఉన్నారు. తల్లి భవాని జిల్లా పరిషత్ సభ్యురాలిగా ఉన్నారు.

మరోవైపు, కుమారస్వామి సతీమణి అనిత రామనగర ఎమ్మెల్యేగా సేవలందిస్తున్నారు. వీరి కుమారుడు నిఖిల్​ జేడీఎస్ యూత్ వింగ్ అధ్యక్షునిగా బాధ్యతలు నిర్వర్తిస్తున్నాడు. 2019 లోక్​సభ ఎన్నికల్లో మండ్య నియోజకవర్గం నుంచి పోటీ చేసి సుమలత అంబరీష్ చేతిలో ఓడిపోయారు.

ఇదీ చదవండి:'ప్రజల గొంతుకను అణచివేేసేందుకు కేంద్రం కుట్ర'