'అంపన్​ను గుర్తించడంలో భారత్​ కచ్చితత్వం భేష్'

అంపన్​ తుపాను విషయంలో కచ్చితమైన సమాచారం ఇచ్చిన భారత వాతావరణ విభాగం (ఐఎండీ)పై ప్రశంసలు కురిపించింది ప్రపంచ వాతావరణ సంస్థ (డబ్ల్యూఎంఓ). అంపన్ తుపాను తీవ్రత, తీరం దాటే సమయం, ప్రాంతాలను ఐఎండీ కచ్చితంగా అంచనా వేయగలిగిందని చెప్పింది.

భారత వాతావరణ విభాగం (ఐఎండీ)పై ప్రశంసలు కురిపించింది ప్రపంచ వాతావరణ సంస్థ (డబ్ల్యూఎంఓ). అంపన్ తుపానును గుర్తించడంలో భారత వాతావరణ విభాగం కచ్చితమైన అంచనా వేసిందని చెప్పింది. డబ్ల్యూఎంఓ, బంగ్లాదేశ్​కు తుపానుపై కచ్చితమైన సమాచారం ఇచ్చిందని వెల్లడించింది. ఈ మేరకు ఐఎండీ డైరెక్టర్ జనరల్ మృత్యుంజయ్ మహపాత్రకు డబ్ల్యూఎంఓ డైరెక్టర్ జనరల్ ఈ మనాఎంకోవా లేఖ రాశారు.

"తుపాను పుట్టుక, తీవ్రత, తీరం దాటే సమయం- ప్రాంతం, వర్షాలు, గాలుల తీవ్రతపై ఐఎండీ, దిల్లీలోని ప్రాంతీయ వాతావరణ కేంద్రం మూడు రోజులపాటు అందించిన సమాచారం ఎంతో ఉపకరించింది."

-ఈమనాఎంకోవా, డబ్ల్యూఎంఓ డైరెక్టర్ జనరల్

అంపన్ తుపానుపై ఐఎండీ ఇచ్చిన సమాచారం.. ఉష్ణమండల తుపాన్లను అంచనా వేసేందుకు భారత్ పాటిస్తున్న విధానాలు ఉత్తమమైనవని నిరూపించింది.

'అంపన్​పై భారత్​ ఇచ్చిన సమాచారాన్ని ఐరాస ప్రధాన కార్యదర్శికి ఎప్పటికప్పుడు తెలిపాం. తద్వారా ఈ అంశమై బులిటెన్లు విడుదల చేయగలింగాం. న్యూయార్క్​, సింగపూర్, బహ్రెయిన్​లోని డబ్ల్యూఎంఓ కార్యాలయాలు ఆయా దేశాలను హెచ్చరించేందుకు ఈ సమాచారం ఉపయోగపడింద'ని లేఖలో పేర్కొన్నారు డబ్ల్యూఎంఓ డైరెక్టర్ జనరల్.

ఇదీ చూడండి:ఒడిశా తీరంలో ఓలివ్​ రిడ్లే తాబేళ్ల కనువిందు