సార్వత్రిక ఎన్నికల సమరం వాడీవేడిగా జరుగుతోంది. మొత్తం ఏడు దశల్లో జరుగుతున్న ఎన్నికలు మరో రెండు దశలతో ముగియనున్నాయి. ఓటర్లను ఆకర్షించేలా కాంగ్రెస్ అధ్యక్షుడు రాహుల్గాంధీ మరో హామీ ఇచ్చారు. తమ పార్టీ అధికారంలోకి వస్తే పెట్రోల్, డీజిల్ను జీఎస్టీ పరిధిలోకి తెస్తామన్నారు. పెరుగుతున్న ఇంధన ధరలు నియంత్రించేలా చర్యలు తీసుకుని, సామాన్యుడిపై భారం తగ్గిస్తామని ఫేస్బుక్ పోస్ట్ ద్వారా భరోసా ఇచ్చారు.
మోదీ మీ సమయం అయిపోయింది...
ప్రధాని మోదీపై ట్విట్టర్ వేదికగా విమర్శనాస్త్రాలు సంధించారు రాహుల్. మోదీ సమయం అయిపోయిందని, దేశంలో మార్పునకు సమయం ఆసన్నమైందని వ్యాఖ్యానించారు.
" పేదరిక నిర్మూలన కోసం కాంగ్రెస్ ప్రభుత్వం హామీ ఇచ్చిన 'కనీస ఆదాయ పథకానికి' మద్దతుగా దేశవ్యాప్తంగా అధిక సంఖ్యలో యువకులు, పెద్దలు ఓటేస్తున్నారు. వీరితో పాటు అనుభవజ్ఞులు, వృద్ధులు కూడా ఈ ఆలోచన ఎంత శక్తిమంతమైందో అర్థం చేసుకుని కాంగ్రెస్ పార్టీకి మద్దతుగా నిలుస్తున్నారు."
- రాహుల్ గాంధీ, కాంగ్రెస్ అధ్యక్షుడు
దేశవ్యాప్తంగా ఉన్న 20 శాతం మంది పేదలకు ఏడాదికి రూ.72 వేల రూపాయల కనీస ఆదాయం అందిస్తామని కాంగ్రెస్ అధ్యక్షుడు రాహుల్ గాంధీ హామీ ఇచ్చారు.
