'విక్రమ్​' కోసం సర్వశక్తులు ఒడ్డుతున్న ఇస్రో

చంద్రయాన్​-2: మిషన్ కోసం ఇస్రో శాయశక్తులా కృషిచేస్తోంది. తాజాగా ల్యాండర్​ విక్రమ్​తో సంబంధాల పునరుద్ధరణకు వీలైనన్ని ప్రయత్నాలు చేస్తున్నట్లు తెలిపింది. అయితే ఈ విషయంపై వివరాలు ఇప్పుడే కచ్చితంగా చెప్పలేమని ఇస్రో ఛైర్మన్ శివన్​ తెలిపారు.

ల్యాండర్​ విక్రమ్​తో సంబంధాల పునరుద్ధరణకు వీలైనన్ని ప్రయత్నాలు చేస్తున్నట్లు భారతీయ అంతరిక్ష పరిశోధన సంస్థ ఇస్రో ప్రకటించింది.

"చంద్రయాన్​-2: ఆర్బిటర్.. ల్యాండర్ విక్రమ్​ ఆచూకీ కనిపెట్టింది. అయితే ఇప్పటి వరకు విక్రమ్​తో సంబంధాల పునరుద్ధరణ జరగలేదు. ​కానీ విక్రమ్​తో కమ్యునికేట్​ కావడానికి వీలైన అన్ని ప్రయత్నాలు చేస్తున్నాం."-ఇస్రో ట్వీట్​

'విక్రమ్​' కోసం శర్వశక్తులు ఒడ్డుతున్న ఇస్రో

ఇప్పుడే ఏమీ చెప్పలేం..

ల్యాండర్ విక్రమ్​ థర్మల్ ఇమేజ్​ని ఆర్బిటర్ తీసిందని.. సంబంధాల పునరుద్ధరణకు ప్రయత్నాలు చేస్తున్నామని ఇస్రో ఛైర్మన్ శివన్​ తెలిపారు. అయితే దీనిని సాధించగలమా? లేదా అన్నది ఇప్పుడే చెప్పలేమని ఆయన పేర్కొన్నారు.

చివరి నిమిషంలో

సెప్టెంబర్​ 7న ల్యాండర్ విక్రమ్​ చంద్రుని దక్షిణ ధ్రువంలో సురక్షితంగా దిగాల్సి ఉంది. అయితే విక్రమ్​ చంద్రునికి 2.1 కి.మీ దూరంలో ఉన్నప్పుడు​.. ఇస్రోతో సంబంధాలు కోల్పోయింది. ఆశలు అడియాశలు అనుకున్న వేళ ఆర్బిటర్... ల్యాండర్​ను గుర్తించింది. ఈ ప్రయోగం విజయవంతమైతే.. చంద్రునిపై కాలుమోపిన దేశంగా.. రష్యా, అమెరికా, చైనాల సరసన భారత్​ చేరుతుంది.

ఇదీ చూడండి: కశ్మీర్​లో ఆంక్షలు సడలించండి: ఐరాస ​హెచ్​ఆర్​సీ