కరోనాతో యూపీ మంత్రి కమలా రాణి కన్నుమూత

10:54 August 02

కరోనాతో యూపీ మంత్రి కమలా రాణి కన్నుమూత

ఉత్తర్​ప్రదేశ్​ కేబినెట్​ మంత్రి కమలా రాణి వరుణ్(62)​ కన్నుమూశారు. ఆమెకు జులై 18న కరోనా సోకగా.. లఖ్​నవూలోని ఎస్​జీపీజీఐ ఆస్పత్రిలో చేరారు. చికిత్స పొందుతూ ఆదివారం ఉదయం ప్రాణాలు కోల్పోయారు. 

కమలా మరణం పట్ల విచారం వ్యక్తం చేశారు ముఖ్యమంత్రి యోగి ఆదిత్యానాథ్​. ఆమె మంచి నాయకురాలు అని, రాష్ట్రాభివృద్ధికి ఎనలేని కృషి చేశారని కొనియాడారు. మంత్రి కుటుంబసభ్యులకు ప్రగాఢ సానుభూతి తెలిపారు. 

ఉత్తర్​ప్రదేశ్​లో కొద్దిరోజులుగా కరోనా కేసులు భారీగా పెరిగిపోతున్నాయి. రాష్ట్రంలో 36 వేల మందికిపైగా వైరస్​ సోకింది. మరో 1677 మంది చనిపోయారు.