డ్రగ్స్​ సరఫరా కేసులో ఇద్దరు నైజీరియన్ల అరెస్టు

డ్రగ్స్​ సరఫరా చేస్తోన్న ఇద్దరు నైజీరియన్లను,మరో ఇద్దరు అంతర్రాష్ట్ర వ్యక్తులను బెంగళూరులో కేంద్ర నేర విభాగం అధికారులు అరెస్టు చేశారు. వారివద్ద నుంచి రూ. 75 లక్షలు విలువ చేసే మాదకద్రవ్యాలను స్వాధీనం చేసుకున్నట్లు వెల్లడించారు.

మాదక ద్రవ్యాల్ని సరఫరా చేస్తోన్న ఇద్దరు నైజీరియన్లు సహా మరో ఇద్దరు అంతర్రాష్ట్ర వ్యక్తుల్ని కేంద్ర నేర విభాగం(సీసీబీ) అధికారులు కర్ణాటకలోని బెంగళూరులో అరెస్టు చేశారు. వారివద్ద నుంచి రూ. 75 లక్షల విలువ చేసే కేజీ ఎండీఎంఏ డ్రగ్స్​​ను స్వాధీనం చేసుకున్నట్లు సీసీబీ అధికారులు వెల్లడించారు.

నిందితుల వద్ద నుంచి స్వాధీనం చేసుకున్న డ్రగ్స్​, ఇతర వస్తువులు

అంతేకాకుండా వారివద్ద నుంచి ఒక సెల్​ఫోన్​ను, బరువు కొలిచే యంత్రాన్ని, ద్విచక్ర వాహనాన్ని స్వాధీనం చేసుకున్నట్లు పేర్కొన్నారు. ఆ ఇద్దరు నైజీరియన్లకు పాస్​పోర్ట్​లు లేవని తెలిపారు.

ఇదీ చూడండి:ఇంతకీ ఆయన ఎవరివైపు?: శివసేన