'నేరుగా రైతుల నుంచే వ్యవసాయ ఉత్పత్తులు కొనాలి'

లాక్​డౌన్​ వల్ల రైతులు ఎదుర్కొంటున్న సమస్యలను పరిష్కరించేందుకు చొరవ చూపాలని ఉపరాష్ట్రపతి వెంకయ్యనాయుడు కేంద్రానికి సూచించారు. వ్యవసాయ ఉత్పత్తులను రైతుల వద్దకు వెళ్లి కొనుగోలు చేసేలా చట్టంలో మార్పులు చేయాలని చెప్పా రు.

లాక్​డౌన్​ వేళ రైతులకు అధిక ప్రాధాన్యం ఇవ్వాలని ఉపరాష్ట్రపతి వెంకయ్యనాయుడు ఉద్ఘాటించారు. చట్టంలో మార్పులు చేసి నేరుగా రైతుల వద్దకు వెళ్లి వ్యవసాయ ఉత్పత్తులను కొనేలా ఏర్పాట్లు చేయాలని కేంద్రానికి సూచించారు.

ఈ మేరకు కేంద్ర వ్యవసాయ మంత్రి నరేంద్ర సింగ్ థోమర్​తో సమావేశమయ్యారు వెంకయ్యనాయుడు. లాక్​డౌన్​ సమయంలో రైతులు ఎదుర్కొంటున్న సమస్యలపై చర్చించారు.

"వ్యవసాయ ఉత్పత్తులను రైతుల వద్దకే నేరుగా వెళ్లి కొనే ఏర్పాట్లు చేయాలి. ఇందుకోసం వ్యవసాయ ఉత్పత్తుల మార్కెట్ కమిటీ చట్టంలో మార్పులు చేయాలి. ఈ చర్యల వల్ల మండీలకు వెళ్లాల్సిన అవసరం తప్పుతుంది. రైతులు, వినియోగదారుల ప్రయోజనాలు కాపాడాలి."

-వెంకయ్యనాయుడు, ఉపరాష్ట్రపతి

అంతేకాకుండా.. వ్యవసాయ పనుల్లో కానీ.. వ్యవసాయ ఉత్పత్తుల రవాణాలో ఎలాంటి అడ్డంకులు ఉండకుండా చొరవ తీసుకోవాలని సూచించారు వెంకయ్య. పండ్లు, కూరగాయల నిల్వ, రవాణా, మార్కెటింగ్ విషయంలో ప్రత్యేక శ్రద్ధ చూపాలన్నారు.

ఇదీ చూడండి:'లాక్​డౌన్ మార్గదర్శకాలు కఠినంగా అమలు చేయండి'