కశ్మీర్​ నుంచి భారత్​ వెనక్కుతగ్గాలని హెచ్చరిక!

జమ్ము కశ్మీర్​ నుంచి బలగాలు ఉపసంహరించుకోవాలని భారత్​కు పాకిస్థాన్​​ నుంచి ఓ సందేశం ద్వారా హెచ్చరిక వచ్చింది. కేరళ కొల్లం జిల్లా కలెక్టరేట్​కు పాక్​​కు చెందిన చరవాణి నంబరు నుంచి వచ్చినట్లు అధికారులు తెలిపారు.

జమ్ము కశ్మీర్​ విషయంలో ఇప్పటికే భారత్​పై అక్కసు వెళ్లగక్కుతోన్న పాకిస్థాన్​ బెదిరింపులకు పాల్పడుతోంది. జమ్ముకశ్మీర్​ నుంచి భారత్​ తమ బలగాలను ఉపసంహరించుకోవాలని కేరళలోని కొల్లం కలెక్టరేట్​కు వాట్సాప్​లో సందేశం వచ్చింది. సందేశం పంపిన నంబరు పాకిస్థాన్​కు చెందినదిగా గుర్తించారు అధికారులు.

"జమ్ము కశ్మీర్​లో భారత బలగాల ఉపసంహరణతో పాటు సైనిక ప్రధాన కార్యాలయం, ప్రధాని నరేంద్రమోదీ, భాజపా, ఆర్​ఎస్​ఎస్​ సభ్యులపై నిఘా పెట్టినట్లు ఆ సందేశంలో ఉంది."

- కలెక్టరేట్​ అధికారులు, కొల్లం

ఈ మేరకు స్థానిక పోలీసులకు ఫిర్యాదు చేశారు అధికారులు. కేసు నమోదు చేసుకుని పోలీసులు దర్యాప్తు ప్రారంభించారు.

ఇదీ చూడండి: సెప్టెంబర్​లో భారత్​కు 'స్పైస్​-2000' బాంబులు