క్విజ్​ ఆడు.. 'పద్మ'ను ప్రత్యక్షంగా వీక్షించు

భారత అత్యున్నత పురస్కారాల్లో పద్మ అవార్డులు కూడా ఒకటి. ఈ పురస్కారాల ప్రదానోత్సవ కార్యక్రమాన్ని ప్రత్యక్షంగా వీక్షించేందుకు చక్కటి అవకాశం కల్పించింది కేంద్రం. అయితే ఇందులో పాల్గొనడానికి చేయాల్సిందల్లా ఒక్కటే.. ప్రభుత్వం ఏర్పాటు చేసే క్విజ్​ పోటీలో నెగ్గడమే.

దేశ అత్యున్నత పురస్కారాల్లో ఒకటైన పద్మ అవార్డుల ప్రదానోత్సవాన్ని.. ప్రత్యక్షంగా వీక్షించాలనుకునే వారి కోసం కేంద్ర ప్రభుత్వం చక్కటి అవకాశాన్ని కల్పించింది. పద్మ అవార్డులపై క్విజ్‌ పోటీ నిర్వహించి.. గెలిచినవారికి పద్మ పురస్కారాల ప్రదానోత్సవంలో పాల్గొనే అవకాశం కల్పించనుంది. ఈ విషయాన్ని ప్రధాని మోదీ స్వయంగా... ట్విట్టర్‌ వేదికగా వెల్లడించారు.

పద్మ అవార్డుల విజేతల జీవితం ఎంతోమందికి ఆదర్శప్రాయమని, అలాంటి గొప్ప కార్యక్రమంలో పాల్గొనాలనుకునే వారికోసం ఈ పోటీ నిర్వహిస్తున్నామని మోదీ తెలిపారు. ఈ మేరకు ట్వీట్‌ చేసిన ప్రధాని.. పద్మ క్విజ్‌ లింక్‌నూ జత చేశారు.

20 ప్రశ్నలతో క్విజ్​..

20 ప్రశ్నలుండే ఈ క్విజ్‌లో.. గెలిచిన వారిలో కొంతమందిని ఎంపిక చేసి మార్చి 20న రాష్ట్రపతి భవన్‌లో జరిగే పద్మ అవార్డుల కార్యక్రమానికి ఆహ్వానించనున్నారు.

ఏటా గణతంత్ర దినోత్సవం రోజున పద్మ అవార్డులను ప్రకటిస్తారు. ఈ ఏడాది 141 మందికి పద్మ పురస్కారాలు ప్రకటించారు.

ఇదీ చదవండి:71వ గణతంత్ర భారతావని... ఎంపికైన పద్మ గ్రహీతలు వీరే