విదేశీ పర్వతారోహకుల కోసం గాలింపు ముమ్మరం

పర్వతారోహణకు వెళ్లి అదృశ్యమైన 8 మంది విదేశీ పర్యటకుల కోసం గాలింపు చర్యలు ముమ్మరం చేశాయి భద్రతా దళాలు. హెలికాప్టర్ల ద్వారా ఆకాశం నుంచి గుర్తించిన 5 మృతదేహాలను వెలికితీసేందుకు ఐటీబీపీ, వాయుసేనకు చెందిన 9 మంది సిబ్బందిని బుధవారం రంగంలోకి దింపాయి.

హిమాలయాల్లోని రెండో ఎత్తయిన పశ్చిమ నందాదేవి పర్వతారోహణకు మే 13న వెళ్లిన 8 మంది విదేశీయులు 26న అదృశ్యమయ్యారు. వారి కోసం గాలింపు చర్యలు ముమ్మరం చేశాయి భద్రతా దళాలు. హెలికాఫ్టర్​ సాయంతో ఆకాశం నుంచిసోమవారం5 మృతదేహాలను గుర్తించాయి. అవి పర్వతారోహణకు వెళ్లిన విదేశీయులవే అయి ఉంటాయని భావిస్తున్నారు అధికారులు.

మృతదేహాలను వెలికితీసేందుకు పర్వతారోహణలో నిపుణులైన నలుగురు ఐటీబీపీ, ఐదుగురు వాయుసేన సిబ్బందిని రంగంలోకి దింపాయి భద్రతా దళాలు.

ఏమైవుంటారు?

బ్రిటన్​కు చెందిన మార్టిన్​ మేరన్​ నేతృత్వంలో పశ్చిమ నందాదేవి పర్వతారోహణకు 8 మంది విదేశీయులు మే 13న వెళ్లారు. 21 వేల 250 అడుగుల ఎత్తుకు చేరుకునేందుకు కొత్త మార్గాన్ని వెతికే క్రమంలో వారితో బేస్​క్యాంప్​నకు సంబంధాలు తెగిపోయాయి. వారిపై మంచుచరియలు విరిగిపడి ఉంటాయని భావిస్తున్నారుఅధికారులు.

పర్వతారోహణకు వెళ్లిన బృందంలో నలుగురు బ్రిటన్​, ఇద్దరు అమెరికా, ఒక ఆస్ట్రేలియా, ఒకరు భారత అధికారి ఉన్నారు.

ఇదీ చూడండి:జామియా మసీదు ఎదుట భద్రతా దళాలపై రాళ్ల దాడి