డిజిటల్​ అయ్యప్ప... ఈ-కానుకలు స్వీకరిస్తాడు!

కానుకల సమర్పణ కోసం తొలిసారి ఎలక్ట్రానిక్ వ్యవస్థను అందుబాటులోకి తెచ్చింది శబరిమల ఆలయ దేవస్థానం. గుడిలో 4 వేర్వేరు చోట్ల స్వైపింగ్ యంత్రాలు ఏర్పాటు చేసింది.

ఎంతో భక్తితో గుడికెళ్లిన వారు హుండీ వరకు వెళ్లి జేబులు తడుముకుంటారు. ఒక్కోసారి డబ్బులు చేతిలో లేక కానుకలు సమర్పించకుండానే ఇళ్లు చేరుతారు. కానీ, శబరిమలలో ఇప్పుడు ఆ ఇబ్బంది ఉండదు. ఎందుకంటే.. ఇకపై అయ్యప్ప డిజిటల్​ రూపంలోనూ కానుకలు స్వీకరిస్తాడు.

శబరిమల దేవస్థాన బోర్డు, సౌత్​ ఇండియన్​ బ్యాంక్​ కలిసి తొలిసారిగా కానుకల కోసం ఎలక్ట్రానిక్ వ్యవస్థను అందుబాటులోకి తెచ్చాయి. డెబిట్​, క్రెడిట్​ కార్డుల స్వైపింగ్​ యంత్రాలు​ ఏర్పాటు చేశాయి. ఆలయంలో నాలుగు చోట్ల ఉన్న ఈ-కనిక్క(కానుక) విభాగాల్లో తమకు నచ్చినంత స్వామికి సమర్పించవచ్చు. అయితే ఈ సౌకర్యం ఆలయ తలుపులు తెరిచి ఉన్నంత వరకే ఉంటుంది.

ఇదీ చదవండి:దేశం నలుమూలలా పేలుతున్న ఉల్లి బాంబులు