కేరళలో సంచలనం సృష్టించిన బంగారం స్మగ్లింగ్ కేసులో ప్రధాన నిందితురాలైన స్వప్నా సురేశ్, మరో నిందితుడు సందీప్ను బెంగళూరు నుంచి కేరళకు తిరిగి తీసుకువచ్చారు అధికారులు. వీరిని కొచ్చిలోని ఎన్ఐఏ కోర్టులో హాజరుపరిచే ముందు కరోనా పరీక్షల నిమిత్తం ఎర్నాకులంలోని అలువా ఆసుపత్రికి తరలించారు.
ఆసుపత్రికి తీసుకువస్తున్నట్లు తెలుసుకున్న కాంగ్రెస్, భాజపా కార్యకర్తలు అక్కడకు చేరుకుని ఆందోళన చేపట్టారు. రాష్ట్రంలో లాక్డౌన్ ఆంక్షలు అమలు అవుతున్న తరుణంలో నిందితులిద్దరూ కేరళ దాటి ఎలా వెళ్లారో ప్రభుత్వం సమాధానమివ్వాలని డిమాండ్ చేశారు.