ఒకే రోజు 7 కీలక బిల్లులకు రాజ్యసభ ఆమోదం

16:40 September 22

ఒకేరోజు 7 బిల్లులు ఆమోదం..

రాజ్యసభలో మంగళవారం మూడున్నర గంటల్లోనే 7 కీలక బిల్లులకు ఆమోదం లభించింది. నిత్యావసర వస్తువుల సవరణ బిల్లు, బ్యాంకింగ్​ రెగ్యులేషన్​ సవరణ బిల్లు సహా.. మొత్తం 7 బిల్లులను ఆమోదించింది పెద్దల సభ.

14:14 September 22

2020 ట్యాక్సేషన్​ అండ్​ అదర్​ లాస్​ బిల్లుకు పార్లమెంట్ ఆమోదం తెలిపింది. దీనితో కలిపి మొత్తం ఈ రోజు ఆరు కీలక బిల్లులకు రాజ్యసభ ఆమోదముద్ర వేసింది.

13:41 September 22

2020 జాతీయ ఫోరెన్సిక్​ సైన్సెస్​ యూనివర్సిటీ బిల్లును పెద్దల సభ ఆమోదించింది. దీనితో కలిపి ఈ రోజు మొత్తం ఐదు కీలక బిల్లులకు రాజ్యసభ ఆమోదముద్ర వేసింది.

12:24 September 22

వ్యవసాయ రంగంలో సంస్కరణల కోసం కేంద్రం తీసుకొచ్చిన మూడు బిల్లులో నిత్యావసర వస్తువుల​ సవరణ బిల్లుకు పార్లమెంటు ఆమోదం తెలిపింది. తృణధాన్యాలు, పప్పుధాన్యాలు, నూనెగింజలు, ఉల్లిపాయ, బంగాళాదుంపలు వంటి ఉత్పత్తులను నిత్యావసర వస్తువుల జాబితా నుంచి తొలగించాలని సవరించిన ఈ చట్టం చెబుతుంది. యుద్ధం, కరువు లాంటి పరిస్థితుల్లో ఈ వస్తువులపై పరిమితులు ఎత్తివేయాలని నిర్దేశిస్తుంది.

కొత్తగా స్థాపించబడిన ఐదు ఐఐఐటీలను జాతీయ ప్రాముఖ్యం కలిగిన సంస్థలుగా ప్రకటించే బిల్లును కూడా పార్లమెంటు ఆమోదించింది. 

11:26 September 22

ప్రైవేటు వ్యక్తులు లేదా సంస్థలు.. కనీస మద్దతు ధర కంటే తక్కువ ధరకు ధాన్యం కొనుగోలు చేయనీయకుండా మరో బిల్లును తీసుకురావాలని ప్రభుత్వాన్ని డిమాండ్‌ చేశారు కాంగ్రెస్ నేత గులాం నబీ ఆజాద్​. స్వామినాథన్‌ సిద్ధాంతాన్ని అనుసరించి కనీస మద్దతు ధరను ఎప్పటికప్పుడు నిర్ణయించాలని కోరారు. వీటితో పాటు 8 మంది MP లపై సస్పెన్షన్‌ ఎత్తివేయాలని డిమాండ్‌ చేశారు. ఈ మూడు డిమాండ్లకు కేంద్ర ప్రభుత్వం అంగీకరించే వరకు రాజ్యసభ సమావేశాలను బాయ్‌కాట్‌ చేస్తున్నట్లు ప్రకటించారు

10:48 September 22

• సభ్యులను సస్పెండ్‌ చేయడం మాకేమీ సంతోషం కాదు: రాజ్యసభ ఛైర్మన్‌
• సభ్యుల అనుచిత ప్రవర్తన వల్లే సస్పెన్షన్‌: రాజ్యసభ ఛైర్మన్‌ వెంకయ్యనాయుడు
• ఏ ఒక్క సభ్యుడికీ మేం వ్యతిరేకం కాదు: వెంకయ్యనాయుడు

10:43 September 22

పార్లమెంటు సమావేశాలను బహిష్కరించాలనే ఆలోచనను విపక్ష సభ్యులు విరమించుకోవాలని కోరారు ఛైర్మన్ వెంకయ్య నాయుడు. సభలోకి వచ్చి చర్చలో పాల్గొనాలని సూచించారు.

10:16 September 22

• వ్యవసాయ బిల్లులపై పునరాలోచించేవరకు సభలోకి వెళ్లం: విపక్ష సభ్యులు
• 8 మంది సభ్యులపై సస్పెన్షన్‌ ఎత్తివేయాలి: కాంగ్రెస్
• సభ నడవాలని కోరుకుంటున్నాం: దేవెగౌడ
• అన్ని బిల్లులపై కూలంకషంగా చర్చించేందుకు మేం సిద్ధం: ప్రహ్లాద్‌ జోషి
• మొన్న విపక్ష సభ్యుల ప్రవర్తన చాలా బాధాకరం: ప్రహ్లాద్‌ జోషి
• డిప్యూటీ ఛైర్మన్‌ పలుసార్లు చెప్పినా విపక్ష సభ్యులు వినిపించుకోలేదు: ప్రహ్లాద్‌ జోషి
• డిప్యూటీ ఛైర్మన్‌, అధికారులు, మార్షల్స్‌పై అనుచితంగా ప్రవర్తించారు: ప్రహ్లాద్ జోషి

10:09 September 22

8 ఎంపీలపై సస్పెన్షన్​ ఎత్తివేయాలని డిమాండ్​ చేస్తూ సభ నుంచి వాకౌట్​ చేసి పార్లమెంటు ఆవరణలోని గాంధీ విగ్రహం వద్ద నిరసన చేపట్టారు విపక్ష సభ్యులు.

10:06 September 22

• రాజ్యసభ నుంచి విపక్ష సభ్యుల వాకౌట్‌
• వ్యవసాయ బిల్లులపై పునరాలోచించేవరకు సభలోకి వెళ్లం: విపక్ష సభ్యులు
• సభ నడవాలని కోరుకుంటున్నాం: దేవెగౌడ

10:02 September 22

వ్యవసాయ బిల్లుల విషయంలో విపక్ష సభ్యులు అనుచితంగా ప్రవర్తించారంటూ రాజ్యసభ డిప్యూటీ ఛైర్మన్ హరివంశ్ ఒకరోజు నిరాహార దీక్షకు దిగారు.

09:52 September 22

ఒకే రోజు నాలుగు కీలక బిల్లులకు రాజ్యసభ ఆమోదం

రాజ్యసభలో 8 మంది ఎంపీలపై సస్పెన్షన్ వేటును ఎత్తివేయాలని కాంగ్రెస్​ డిమాండ్ చేసింది. కనీస మద్దతు ధరకు సంబంధించి మరో బిల్లు తీసుకురావాలని ఆ పార్టీ నేత గులాంనబీ ఆజాద్​ స్పష్టం చేశారు. లేకపోతే పార్లమెంటు సమావేశాలను బహిష్కరిస్తామని హెచ్చరించారు.