జమ్ముకశ్మీర్ గవర్నర్ సత్యపాల్ మాలిక్ వ్యాఖ్యలపై వివాదం చెలరేగింది. ఈ కారణంగా తన వ్యాఖ్యలకు వివరణ ఇచ్చారు మాలిక్. రాజ్యాంగబద్ధమైన పదవిలో ఉన్న తాను అలాంటి వ్యాఖ్యలు చేసుండకూడదని... అవి కేవలం ఆగ్రహంతో అన్న మాటలేనని తెలిపారు.
అమాయక ప్రజలను చంపడం మాని... ఎన్నో ఏళ్లుగా కశ్మీరీల సంపదను కొల్లగొడుతున్న వారికి వ్యతిరేకంగా పోరాడాలని సత్యపాల్ మాలిక్ ఆదివారం ఉగ్రవాదులకు సూచించారు.
"తుపాకులు పట్టుకుంటున్న యువకులు వారి సొంత ప్రజలనే చంపుతున్నారు. పోలీసులను హతమారుస్తున్నారు. బలగాలను ఎందుకు చంపడం? కశ్మీరీల సొమ్మును కొల్లగొడుతున్న వారిని చంపండి. ఇప్పటివరకు అలాంటి వారిని కాల్చిచంపారా?"
--- సత్యపాల్ మాలిక్, జమ్ము గవర్నర్.