కాంగ్రెస్‌ తాత్కాలిక అధ్యక్షురాలిగా సోనియా గాంధీ

కాంగ్రెస్​ పార్టీ నూతన అధ్యక్షురాలిగా సోనియా గాంధీ ఎన్నికయ్యారు. దిల్లీలో జరిగిన కాంగ్రెస్​ వర్కింగ్​ కమిటీ(సీడబ్ల్యూసీ) సమావేశంలో ఈ నిర్ణయం తీసుుకున్నారు. అయితే ఏఐసీసీ ఛైర్​పర్సన్​... సోనియా పార్టీ తాత్కాలిక సారథిగానే కొనసాగనున్నారు.

జాతీయ పార్టీ కాంగ్రెస్​కు తాత్కాలిక అధ్యక్షురాలిగా సోనియా గాంధీ ఎన్నికయ్యారు. దిల్లీ సీడబ్ల్యూసీ భేటీలో ఈ నిర్ణయం తీసుకుంది కమిటీ. పార్టీ అధ్యక్ష బాధ్యతలను రాహుల్​ అంగీకరించనందున నేతలంతా కలిసి సోనియాను అధ్యక్షురాలిగా ఎన్నుకున్నట్లు ప్రకటించారు సీనియర్​ నేత గులాం నబీ ఆజాద్.

లోక్​సభ ఎన్నికల్లో పార్టీ ఓటమికి నైతిక బాధ్యత వహిస్తూ మే 25న అధ్యక్ష పదవికి రాజీనామా చేశారు రాహుల్​. అనంతరం.. పార్టీలో నాయకత్వ లేమి స్పష్టంగా కనిపించింది. నేడు భేటీ అయిన సీడబ్ల్యూసీ.. దేశవ్యాప్తంగా నేతల అభిప్రాయం తెలుసుకునేందుకు వర్కింగ్​ కమిటీ సభ్యులతోనే 5 బృందాలను ఏర్పాటు చేసింది.