పూరీలో వైభవంగా 'స్నాన పౌర్ణిమ' వేడుకలు

స్నాన పౌర్ణిమను పురస్కరించుకుని జగన్నాథ స్వామి, బలభద్రుడు, సుభద్ర దేవీకి ఒడిశా పూరీలో ప్రత్యేక పూజలు నిర్వహించారు. పరిమిత సంఖ్యలో వేదపండితులు పాల్గొని కార్యక్రమాన్ని జరిపించారు. వేడుకకు భక్తులను ఎవరినీ అనుమతించలేదు.

ఒడిశాలోని పూరీ పుణ్యక్షేత్రంలో స్నాన పౌర్ణిమ వేడుకలు వైభవంగా జరిగాయి. స్నాన పౌర్ణిమను పురస్కరించుకుని జగన్నాథ స్వామి, బలభద్రుడు, సుభద్ర దేవీకి ప్రత్యేక పూజలు నిర్వహించారు. కరోనా వైరస్ నేపథ్యంలో వేడుకకు భక్తులను ఎవరినీ అనుమతించలేదు. పరిమిత సంఖ్యలో వేద పండితులు పాల్గొని కార్యక్రమాన్ని జరిపించారు.

భక్తుల సౌకర్యార్థం కార్యక్రమాన్ని ప్రత్యక్ష ప్రసారం చేశారు. ఈ వేడుక దృష్ట్యా గురువారం రాత్రి నుంచే అధికారులు ఆంక్షలు విధించారు. సుమారు వెయ్యి మంది పోలీసులతో పటిష్ఠమైన భద్రతా ఏర్పాట్లు చేపట్టారు.