"దేశం గర్విస్తోంది"

భారత వైమానిక దళ కమాండర్​ అభినందన్​ వర్ధమాన్​ను రక్షణ శాఖ మంత్రి నిర్మలాసీతారామన్ పరామర్శించారు.

పాకిస్థాన్ నుంచి క్షేమంగా భారత్ చేరుకున్న దళ కమాండర్​ అభినందన్​ వర్ధమాన్​ను రక్షణ మంత్రి నిర్మలాసీతారామన్​ అభినందించారు. ఆసుపత్రిలో ఉన్న అభినందన్​ను కలిశారు. ఆమెతోపాటు ఎయిర్​ఫోర్స్​ ఉన్నతాధికారులు ఉన్నారు. అభినందన్​ ధైర్యసాహసాలకు దేశం మొత్తం గర్వపడుతోందన్నారు కేంద్రమంత్రి.

పాకిస్థాన్​ బలగాల చేతిలో 60 గంటల పాటు గడిపిన క్షణాలు, అక్కడి పరిస్థితులపై రక్షణ మంత్రికి అభినందన్​ వివరించినట్లు అధికారులు తెలిపారు.

అఠారి-వాఘా సరిహద్దులో భారత్​లోకి అడుగుపెట్టిన అభినందన్​ను సుమారు రెండున్నర గంటల అనంతరం ఐఏఎఫ్​ ప్రత్యేక విమానంలో దిల్లీకి తరలించారు. అనంతరం వైద్య పరీక్షలు నిర్వహించారు అధికారులు.