సిక్కిం ముఖ్యమంత్రిగా పీఎస్ గోలే ప్రమాణం

సిక్కిం క్రాంతికారి మోర్చా పార్టీ (ఎస్​కేఎం) అధ్యక్షుడు ప్రేమిసింగ్ తమాంగా అలియాస్ పీఎస్​ గోలే సిక్కిం ముఖ్యమంత్రిగా ప్రమాణ స్వీకారం చేశారు. గాంగ్​టక్​లోని పాల్జోర్ స్టేడియం వేదికగా నిర్వహించిన సభలో గవర్నర్ గంగా ప్రసాద్ ముఖ్యమంత్రిగా గోలేతో ప్రమాణం చేయించారు.

హిమాలయ రాష్ట్రం సిక్కిం ముఖ్యమంత్రిగా సిక్కిం క్రాంతికారి మోర్చా(ఎస్​కేఎం) అధ్యక్షుడు ప్రేమ్​సింగ్ తమాంగా అలియాస్ పీఎస్​ గోలే ప్రమాణస్వీకారం చేశారు. రాష్ట్ర రాజధాని గాంగ్​టక్​లో ఉన్న పాల్జోర్ స్టేడియంలో కార్యక్రమం జరిగింది. గవర్నర్ గంగా ప్రసాద్ ముఖ్యమంత్రిగా గోలేతో పదవీ ప్రమాణం చేయించారు. నేపాలీ భాషలో తన ప్రమాణాన్ని పూర్తి చేశారు నూతన సీఎం.

వందలాది మంది మద్దతుదారుల మధ్య ముఖ్యమంత్రిగా బాధ్యతలు చేపట్టారు గోలే. ఈ కార్యక్రమానికి మాజీ ముఖ్యమంత్రి, సిక్కిం డెమొక్రటిక్ ఫ్రంట్ అధినేత పవన్ చామ్లింగ్ హాజరుకాలేదు.

సిక్కిం క్రాంతికారి మోర్చాను 2013లో ఏర్పాటు చేశారు పీఎస్ గోలే. తాజాగా లోక్​సభతో పాటు శాసనసభ ఎన్నికల్లో విజయం సాధించారు. 32 సీట్లున్న అసెంబ్లీలో 17-15 తేడాతో పవన్ చామ్లింగ్ పార్టీని ఓడించారు. 24 ఏళ్ల నుంచి సీఎంగా ఉంటూ అత్యధిక కాలం ముఖ్యమంత్రిగా రికార్డు సాధించిన పవన్ చామ్లింగ్​ను ఓటమి పాలు చేశారు.
ప్రచారాన్ని అంతా తానై నడిపించడం కారణంగా గోలే శాసనసభకు పోటీచేయలేదు. ఈ నేపథ్యంలో రాగల ఆర్నెళ్లలో సిక్కింలో ఉపఎన్నిక జరిగే అవకాశం ఉంది.

ఇదీ చూడండి: వారణాసిలో పర్యటిస్తున్న ప్రధాని మోదీ