కాంగ్రెస్ నేత, ప్రముఖ బాలీవుడ్ నటుడు శత్రుఘ్న సిన్హా భార్య పూనమ్ సిన్హా.. సమాజ్వాది పార్టీ తీర్థం పుచ్చుకున్నారు. లఖ్నవూలో ఎస్పీ నేత డింపుల్ యాదవ్ ఆధ్వర్యంలో పార్టీలో చేరారు.
లఖ్నవూ లోక్సభ స్థానంలో కేంద్ర హోం మంత్రి రాజ్నాథ్ సింగ్పై.. పూనమ్ సిన్హా బరిలో నిలిచే అవకాశముందని సమాచారం. రాజ్నాథ్ ఈ రోజే ఇక్కడ నామపత్రం దాఖలు చేశారు.
లఖ్నవూలో పోటీ చేస్తారా అని విలేకరులు అడిగిన ప్రశ్నను దాటవేసే ప్రయత్నం చేశారు పూనమ్. రేపు చెప్తాను అని బదులిచ్చారు. లఖ్నవూ స్థానంలో ఆమె అభ్యర్థిత్వాన్ని పార్టీ ప్రకటిస్తే.. ఏప్రిల్ 18న నామినేషన్ వేసే అవకాశముంది.