ప్రధాని నరేంద్ర మోదీ, భాజపా అధ్యక్షుడు అమిత్షాకు వ్యతిరేకంగా కాంగ్రెస్ దాఖలు చేసిన మరో పిటిషన్పై విచారణకు సుప్రీంకోర్టు నిరాకరించింది. ఎన్నికల నిబంధనావళి ఉల్లంఘించిన మోదీ, షాపై చర్యలు తీసుకోవాలని కోరుతూ వేసిన వ్యాజ్యాన్ని తోసిపుచ్చింది.
మోదీ, షా ఎన్నికల నియమావళిని ఉల్లఘించినా... ఈసీ క్లీన్చిట్ ఇవ్వటాన్ని సవాల్ చేస్తూ వ్యాజ్యాన్ని దాఖలు చేశారు కాంగ్రెస్ ఎంపీ సుష్మితా సేన్.
సుష్మితా వ్యాజ్యాన్ని పరిశీలించిన భారత ప్రధాన న్యాయమూర్తి రంజన్ గొగొయి నేతృత్వంలోని ధర్మాసనం... మరోసారి ఈసీ నిర్ణయానికి వ్యతిరేకంగా పిటిషన్ వేసే స్వేచ్ఛ ఉందని వ్యాఖ్యానించింది. భాజపా నేతలకు సచ్ఛీలత పత్రాన్ని ఇచ్చిన ఈసీ ఆదేశాలను అందులో పేర్కొనాలని సూచించింది.
మోదీ, షాపై ఎన్నికల సంఘానికి 11 ఫిర్యాదులు అందితే కేవలం 5 ఫిర్యాదులపైనే ఈసీ నిర్ణయం తీసుకుందని సుస్మితా దేవ్ ఈ పిటిషన్ వేశారు. ఎలాంటి కారణాలు చూపించకుండా మోదీకి క్లీన్చిట్ ఇచ్చారని అందులో పేర్కొన్నారు. మిగిలిన 6 ఫిర్యాదులు సహా మాజీ ప్రధాని రాజీవ్‌ గాంధీపై మోదీ చేసిన అనుచిత వ్యాఖ్యలపైనా ఈసీ చర్యలు తీసుకోలేదని ప్రస్తావించారు.
ఇదీ చూడండి:మోదీ, షాపై సుప్రీంలో కాంగ్రెస్ మరో వ్యాజ్యం
