'ప్రధాన ప్రతిపక్ష హోదాపై కేంద్రానిదే నిర్ణయం'

లోక్​సభలో ప్రతిపక్ష హోదాపై అధికార పార్టీనే తుది నిర్ణయం తీసుకోవాలని కాంగ్రెస్​ స్పష్టం చేసింది. ప్రధాన ప్రతిపక్ష హోదా కోసం డిమాండ్​ చేసేందుకు తమ వద్ద సరైన బలం లేదని అంగీకరించింది.

లోక్​సభలో ప్రధాన ప్రతిపక్ష హోదా ఇవ్వడంపై తుది నిర్ణయం తీసుకునే అవకాశం ప్రభుత్వానికే ఉందని స్పష్టం చేసింది కాంగ్రెస్. హోదా లేకపోయినా ప్రజల సమస్యలపై ఇతర విపక్షాలతో కలిసి పోరాడతామని కాంగ్రెస్ అధికార ప్రతినిధి రణ్​దీప్​ సింగ్ సుర్జేవాలా ఉద్ఘాటించారు.

"మాకు 54 మంది ఎంపీలు లేనిదే ప్రతిపక్ష హోదా ఇవ్వమని అడగలేము. 10 శాతానికి 2 సీట్లు తక్కువగా ఉన్నాయి. ఈ కారణంగానే కాంగ్రెస్​ ప్రధాన ప్రతిపక్షంగా ఉండే అవకాశం లేదు. ప్రధాన ప్రతిపక్ష హోదాపై ప్రభుత్వమే తుది నిర్ణయం తీసుకోవాలి. ఇది తప్పనిసరేమీ కాదు. ఇందులో డిమాండ్​ ఏమీ లేదు.

మీకు నేను హామీ ఇస్తున్నా. ప్రజల సమస్యలపై విపక్షాలన్నీ ఏకతాటిపైకి వచ్చి పోరాడతాయి. పార్టీల పరంగా కాకుండా ప్రజల పక్షాన ఉంటాం. "

-రణ్​దీప్​ సింగ్ సుర్జేవాలా, కాంగ్రెస్​ అధికార ప్రతినిధి

ఇదీ చూడండి: వరుసగా నాలుగోసారి సీపీపీ నేతగా సోనియా