ఉత్తరప్రదేశ్లోని కన్నౌజ్లో ఎస్పీ-బీఎస్పీ-ఆర్ఎల్డీ పార్టీలు సంయుక్తంగా నిర్వహించిన ఎన్నికల ర్యాలీలో ఓ వృషభం గందరగోళం సృష్టించింది. దాన్ని నియంత్రించేందుకు అక్కడివారు ఆపసోపాలుపడ్డారు. ఈ ప్రయత్నంలో ఓ యువకుడు తీవ్రంగా గాయపడ్డాడు. పోలీసులనూ కాసేపు ముప్పుతిప్పలు పెట్టింది ఆ ఎద్దు. కొంత మంది భయంతో పరుగులు తీశారు. చివరకు ఎలాగోలా దానిని అక్కడి నుంచి తరలించిన అనంతరం సభ యథావిధిగా కొనసాగింది.
యూపీ సీఎం యోగి ఆదిత్యనాథ్ హెలికాప్టర్లో ఇక్కడికి వచ్చి ఉంటారని భావించి.. బహుశా తన సమస్యల గురించి ఆయనకు ఫిర్యాదు చేసేందుకే ఎద్దు వచ్చి ఉంటుందని ఎస్పీ అధ్యక్షుడు అఖిలేశ్ యాదవ్ చమత్కరించారు.