హోటల్లో రోబో సర్వర్లు.. ఆశ్చర్యంగా కస్టమర్లు..!

మనిషి అవసరాల కోసం రూపొందించిందే రోబో (మరమనిషి)..  మానవుడు మరమనిషిని వివిధ రకాలుగా వినియోగించుకుంటున్నాడు. ఇప్పుడు హోటళ్లలో వినియోగదారులకు సర్వీస్​ చేయటానికి రోబోలను ఉపయోగిస్తున్నారు. ఇది చైనానో.. జపాన్​లోనో కాదు.. భారత్​ వాణిజ్య నగరమైన ముంబయిలోనే..

రోజు రోజుకీ సాంకేతికత కొత్త పుంతలు తొక్కుతోంది. రోబోలను వివిధ రకాలుగా వినియోగించుకుంటున్నారు మనుషులు. మర మనిషిని సర్వర్​గా ఉపయోగిస్తున్నారు మహారాష్ట్రలోని ఠాణే రెస్టారెంట్​ యజమాని. రోబోకు బేబి డాల్​ అని నామకరణం చేశాడు.

బేబి డాల్ వంటగది నుంచి కస్టమర్​ బల్ల​ వద్దకు కోరిన ఆహారాన్ని తీసుకెళుతుంది. ఈ రోబో పూర్తిగా వైఫై ద్వారా పనిచేస్తుంది. టేబుళ్లకు రేడియో ఫ్రీక్వెన్సీలను ఏర్పాటు చేశారు. ఈ సాంకేతికత ద్వారా టేబుల్​ నెంబర్​ను రోబోకు ఫీడ్​ చేస్తారు. ఆ ఆదేశం ప్రకారం బల్ల​ వద్దకు వెళ్లి కస్టమర్లకు ఆహారాన్ని అందిస్తుంది బేబి.

మహారాష్ట్రలో మొట్టమొదటి రోబోటిక్ రెస్టారెంట్​ ఇదే. కస్టమర్లను ఆకట్టుకొని, అమ్మకాలను పెంచుకోవాలనే ఆలోచనతోనే రోబోను ఏర్పాటు చేశామని యజమాని తెలిపారు. రోబో కదిలేటప్పుడు మార్గం మధ్యలో ఎవరైనా అడ్డువచ్చినప్పుడు దయచేసి 'నేను వెళ్లటానికి దారి ఇవ్వండి' అని అడుగుతుందిబేబి. ఈ మాటలు కస్టమర్లను ఎంతో ఆకర్షిస్తాయని రెస్టారెంట్​ యజమాని చెబుతున్నారు.

ఇదీ చూడండి:కశ్మీర్​పై తీర్మానం ఫైల్​ చేయలేకపోయిన పాక్​