కేంద్రంలో కాంగ్రెస్ అధికారంలోకి వస్తే... మహిళలపై వేధింపులకు పాల్పడేవారిపై ఉక్కుపాదం మోపుతామని స్పష్టం చేశారు ఆ పార్టీ అధ్యక్షుడు రాహుల్ గాంధీ. నేరస్థులకు త్వరితగతిన శిక్ష పడేలా చూస్తామని హామీ ఇచ్చారు.
ఒడిశా కోరాపుట్ జిల్లా జయపురలో మహిళలతో చర్చాగోష్టిలో పాల్గొన్నారు రాహుల్. మహిళా రిజర్వేషన్ బిల్లు ఆమోదానికి కాంగ్రెస్ కట్టుబడి ఉందని పునరుద్ఘాటించారు.
పంచాయతీల్లో రిజర్వేషన్లు తీసుకొచ్చాం. దీనివల్ల మహిళలు ప్రయోజనం పొందారు. ఇప్పుడు వారి గళం పంచాయతీల వరకు చేరింది. లోక్సభ, విధానసభలో వారికి స్థానం కల్పించాల్సి ఉంది. దీన్ని రిజర్వేషన్ల ద్వారా సాధించవచ్చు. మా ప్రభుత్వం అధికారంలోకి వస్తే మహిళా రిజర్వేషన్ బిల్లును లోక్సభ, రాజ్యసభలో ఆమోదం పొందేందుకు చర్యలు తీసుకుంటాం
-రాహుల్గాంధీ, కాంగ్రెస్ అధ్యక్షుడు
ఒడిశాలో కాంగ్రెస్కు అధికారమిస్తే మహిళలందరికీ ఉచిత విద్య అందిస్తామని హామీ ఇచ్చారు రాహుల్. గిరిజన, దళిత, వెనుకబడిన తరగతుల మహిళల సాధికారతకు ఈ చర్య అవసరమని అభిప్రాయపడ్డారు.