భార్యను 300 ముక్కలు చేసిన వైద్యుడికి యావజ్జీవం

ఒడిశాలో ఓ విశ్రాంత ఆర్మీ వైద్యుడి కిరాతకానికి ఏడేళ్ల తర్వాత శిక్షపడింది. 7 పదుల వయసులో తన భార్యను చంపి.. ఆమె శరీరాన్ని 300 ముక్కలు చేశాడు. ఈ కేసులో అతనికి యావజ్జీవ కారాగార శిక్ష విధిస్తూ తాజాగా భువనేశ్వర్​ జిల్లా కోర్టు తీర్పునిచ్చింది.

ఒడిశాలో తన భార్యను అత్యంత కిరాకతంగా చంపిన కేసులో ఓ విశ్రాంత ఆర్మీ వైద్యుడికి యావజ్జీవ కారాగార శిక్ష పడింది. 2013లో జరిగిన ఈ హత్య కేసులో తాజాగా తీర్పును వెలువరించింది భువనేశ్వర్​ జిల్లా కోర్టు.

78 ఏళ్ల సోమనాథ్​ పరిదా సైన్యంలో లెఫ్టినెంట్​ కల్నల్​ హోదాలో వైద్యుడిగా పనిచేశాడు. తన భార్య ఉషా శ్రీని 2013లో చంపి.. ఆమె శరీరాన్ని 300 ముక్కలు చేశాడు. అనంతరం ఇంట్లోనే పెట్టెలో పెట్టాడు.

ఏడేళ్లకు..

కొన్ని రోజుల తర్వాత దుర్వాసన రావటం వల్ల ఈ విషయం బయటికి తెలిసింది. మృతదేహాన్ని స్వాధీనం చేసుకున్న పోలీసులు.. సోమనాథ్​ను 2013 జూన్​లో అరెస్టు చేశారు. అతనిపై హత్య, ఆధారాల ధ్వంసం కేసులను నమోదు చేశారు పోలీసులు. ఏడేళ్లకు ఈ కేసులో కోర్టు తీర్పును వెలువరించింది.

ఇదీ చూడండి:'కేజీఎఫ్​' హీరో హత్యకు కుట్ర పన్నిన రౌడీ ఎన్​కౌంటర్​