'భారత వాయుసేనలో రఫేల్​ మరో గేమ్​ ఛేంజర్​'

రఫేల్​ యుద్ధ విమానంలో భారత వాయుసేన వైస్​ చీఫ్​ ఎయిర్ మార్షల్​ ఆర్​కేఎస్​ భదూరియా చక్కర్లు కొట్టారు. సాంకేతికతతో పాటు ఇతర అంశాలను పరీక్షించేందుకు ఫ్రాన్స్​లోని మాంట్​ ది మార్సన్​ వైమానిక స్థావరంలో రఫేల్​ను నడిపించారు. వాయుసేనకు రఫేల్​ ఎంతో కీలకం కానుందని ప్రశంసించారు.

రఫేల్​ యుద్ధ విమానంలో సాంకేతిక అంశాలను తెలుసుకునేందుకు భారత వాయుసేన వైస్​ చీఫ్ ఎయిర్​ మార్షల్​ ఆర్​కేఎస్​ భదూరియా ప్రయాణించారు. ఫ్రాన్స్​లోని మాంట్​ ది మార్సన్​ వైమానిక స్థావరంలో అధునాతన రఫేల్​ను నడిపించారు. ఈ యుద్ధ విమానాన్ని అద్భుతమైన సాంకేతికతతో నిర్మించారని ప్రశంసించారు.

"రఫేల్​తో మన వాయుసేన సామర్థ్యం మరింత పెరుగుతుంది. మన నిర్వహణ సామర్థ్యం కూడా మెరుగవుతుంది. రఫేల్​లో పొందుపరిచిన సాంకేతికత, ఆయుధాల సాయంతో మనం కొత్తగా ఎన్నో చేయగలం. వాయుసేనకు రఫేల్​ మరో గేమ్​ ఛేంజర్​. ప్రణాళికలు, రక్షణ అంశాలు, భవిష్యత్తులో యుద్ధసమయాల్లో ఎంతో కీలకం కానుంది."

-ఆర్​కేఎస్​ భదూరియా, వైస్​ చీఫ్​ ఎయిర్​ మార్షల్​

ఇదీ చూడండి: వాణిజ్య వివాదాలపై నేడు భారత్-అమెరికా చర్చలు