ప్రధాని అధ్యక్షతన నీతి ఆయోగ్ భేటీ ప్రారంభం

నీతి ఆయోగ్​ పాలక మండలి సమావేశం ప్రారంభమైంది. ప్రధాని మోదీ ఆధ్యక్షతన కరువు, నక్సలైట్ల ప్రభావిత ప్రాంతాల్లో భద్రత తదితర అంశాలపై చర్చలు జరుగుతున్నాయి. ఈ సమావేశానికి దాదాపు అన్ని రాష్ట్రాల ముఖ్యమంత్రులు, పలువురు కేంద్ర మంత్రులు హాజరయ్యారు.

దిల్లీలో రాష్ట్రపతి భవన్ వేదికగా ప్రధాన మంత్రి నరేంద్రమోదీ అధ్యక్షతన నీతి ఆయోగ్ పాలకమండలి సమావేశమైంది. నీతి ఆయోగ్ ఏర్పడిన తర్వాత జరుగుతున్న అయిదవ, మోదీ రెండోసారి ప్రధాని అయ్యాక జరుగుతున్న మొదటి పాలక మండలి భేటీ ఇది. ఈ సమావేశానికి దాదాపు అన్ని రాష్ట్రాల ముఖ్యమంత్రులు సహా పలువురు కేంద్ర మంత్రులు హాజరయ్యారు.

వ్యవసాయ రంగంలో సమస్యలు-నిర్మాణాత్మక మార్పులు, నక్సల్స్ ప్రభావిత ప్రాంతాల్లో భద్రత, దేశంలో నెలకొన్న కరవు పరిస్థితులు లక్ష్యాలుగా ఈ సమావేశం జరుగుతోంది. వర్షపు నీటి పరిరక్షణ, వెనకబడిన జిల్లాల అభివృద్ధి అంశాలపైనా చర్చ జరుగుతోంది.

బంగాల్​, పంజాబ్​, తెలంగాణ ముఖ్యమంత్రులు ఈ సమావేశానికి గైర్హాజరయ్యారు.