గుజరాత్ మాజీ ముఖ్యమంత్రి కేశూభాయ్ పటేల్ చిత్రపటానికి ప్రధాని నరేంద్ర మోదీ నివాళులర్పించారు. రెండు రోజుల గుజరాత్ పర్యటన నిమిత్తం అహ్మదాబాద్ చేరుకున్న ప్రధానమంత్రి నరేంద్ర మోదీ.. తొలుత కేశూభాయ్ నివాసానికి వెళ్లారు. అనంతరం కుటుంబ సభ్యులను పరామర్శించారు. ఈ సందర్భంగా రాష్ట్రానికి పటేల్ చేసిన సేవలను గుర్తు చేసుకున్నారు.
'కేశూభాయ్' కుటుంబసభ్యులకు మోదీ పరామర్శ
గుజరాత్ మాజీ ముఖ్యమంత్రి కేశూభాయ్ పటేల్ చిత్రపటానికి ప్రధాని మోదీ నివాళులర్పించారు. అనంతరం ఆయన కుటుంబ సభ్యులను పరామర్శించారు. అనారోగ్యంతో బాధపడుతూ.. గురువారం కేశూభాయ్ కన్నుమూశారు.
కేశుభాయ్ పటేల్కు ప్రధాని మోదీ నివాళి
కరోనా వ్యాప్తి తర్వాత తొలిసారి సొంత రాష్ట్రంలో రాష్ట్రంలో పర్యటిస్తున్నారు ప్రధాని మోదీ. గుజరాత్ ముఖ్యమంత్రి విజయ్‌ రూపానితో పాటు ఆయన మంత్రివర్గం మోదీకి స్వాగతం పలికారు. ఈ సందర్భంగా రాష్ట్రంలో పలు అభివృద్ధి కార్యక్రమాలను ప్రారంభించనున్నారు. రేపు సర్దార్ వల్లభ్‌భాయ్ పటేల్ 145వ జయంతి సందర్భంగా నిర్వహించే ఐక్యతా దినోత్సవం పరేడ్‌లో మోదీ పాల్గొననున్నారు.
Last Updated : Oct 30, 2020, 11:33 AM IST