పోలీసుకు లీడర్ చెంపదెబ్బ

మధ్యప్రదేశ్​ గ్వాలియర్​లో పోలీసులపై భాజపా నేత జశ్వంత్​ సింగ్​ చేయి చేసుకున్నారు. ఆసుపత్రికి శిలాఫలకం సందర్భంగా కాంగ్రెస్​, భాజపా కార్యకర్తల మధ్య ఘర్షణ జరిగింది. అదుపు చేసేందుకు వచ్చిన పోలీసును భాజపా నేత జశ్వంత్ చెంపదెబ్బ కొట్టారు.

మధ్యప్రదేశ్​లోని గ్వాలియర్​లో కాంగ్రెస్​, భాజపా నేతల మధ్య ఘర్షణ చోటు చేసుకుంది. గ్వాలియర్​ పట్టణంలో వేయిపడకల ఆస్పత్రికి శిలాఫలకం వేసేందుకు కాంగ్రెస్​ ఎంపీ జ్యోతిరాదిత్య వచ్చారు. ఈ కార్యక్రమంపై భాజపా నిరసన వ్యక్తం చేసింది. ఈ సమయంలో ఇరుపార్టీల కార్యకర్తల మధ్య మాటామాటా పెరిగి ఘర్షణకు దారి తీసింది.

ఇరు పక్షాలను ఆపే ప్రయత్నం చేసిన పోలీసులపై భాజపా నేత జశ్వంత్​ సింగ్ చేయిచేసుకున్నారు. ఆగ్రహించిన పోలీసులు జశ్వంత్​ సింగ్​ను చితక బాదారు. ఇరు వర్గాలపై లాఠీ చార్జ్​ చేసినా ఉద్రిక్తతలు అదుపులోకి రానందున పరిస్థితిని నియంత్రించేందుకు పోలీసులు భాష్పవాయువును ప్రయోగించారు.