రాష్ట్రపతి రామ్నాథ్ కోవింద్ పుట్టినరోజును పురస్కరించుకొని గురువారం ఆయనకు శుభాకాంక్షలు వెల్లువెత్తాయి. ఉపరాష్ట్రపతి వెంకయ్యనాయుడు, ప్రధాని నరేంద్ర మోదీ, కేంద్ర హోంమంత్రి అమిత్ షా సహా పలువురు నేతలు ఆయనకు శుభాకాంక్షలు తెలిపారు.
"రాష్ట్రపతి రామ్నాథ్ కోవింద్కు పుట్టినరోజు శుభాకాంక్షలు. ఆయన తెలివి తేటలు, అర్థం చేసుకునే విధానం మన దేశానికి గొప్ప ఆస్తి. పేదలకు సేవ చేయాలని ఆయన ఎప్పుడూ తపిస్తూ ఉంటారు. ఆయన మంచి ఆరోగ్యంతో ఉండాలి."
- నరేంద్ర మోదీ, ప్రధాని
"రాష్ట్రపతి రామ్నాథ్ కోవింద్కు జన్మదిన శుభాకాంక్షలు. నిరాడంబరత, ముందుచూపు, తిరుగులేని నాయకత్వానికి ఆయన పెట్టింది పేరు. ఆయన మరింత ఆరోగ్యంగా ఉండాలి".
- వెంకయ్య నాయుడు, ఉపరాష్ట్రపతి
ఆయన నాయకత్వం ఎప్పుడూ ప్రేరణిస్తుందని అమిత్ షా కొనియాడారు. వివిధ రాష్ట్రాల ముఖ్యమంత్రులు సహా మరికొందరు నాయకులు రాష్ట్రపతికి ట్విట్టర్ వేదికగా శుభాకాంక్షలు తెలియజేశారు.
రామ్నాథ్ కోవింద్ 1945లో ఉత్తర్ప్రదేశ్ కాన్పుర్లోని ఓ గ్రామంలో జన్మించారు. 2017, జులైలో ఆయన రాష్ట్రపతిగా బాధ్యతలు స్వీకరించారు.
