నేడు 'యూఎస్​ఐఎస్​పీఎఫ్'​ సదస్సులో ప్రసంగించనున్న మోదీ

అమెరికా​-భారత్​ వ్యూహాత్మక భాగస్వామ్య ఫోరం మూడో వార్షిక సదస్సులో ఇవాళ ప్రసంగించనున్నారు ప్రధాని మోదీ. వారం రోజుల పాటు ఈ సదస్సు జరగనుంది. ఇందులో మోదీ ప్రసంగించటం ఇరు దేశాల సంబంధాల ప్రాధాన్యాన్ని తెలియజేస్తోందని నిర్వాహకులు వెల్లడించారు.

అమెరికా, భారత్​ వ్యూహాత్మక భాగస్వామ్య ఫోరం( యూఎస్​ఐఎస్​పీఎఫ్​) మూడో వార్షిక సదస్సులో భాగంగా గురువారం ప్రసంగించనున్నారు ప్రధానమంత్రి నరేంద్ర మోదీ. ఇరు దేశాల భాగస్వామ్యం, సంబంధాల బలోపేతం సహా కీలక అంశాలపై మాట్లాడతారని ఫోరం నిర్వాహకులు వెల్లడించారు.

"యూఎస్​ఐఎస్​పీఎఫ్​ వార్షిక సదస్సులో ప్రధాని మోదీ ప్రసంగించేందుకు సమయం కేటాయించటం సంతోషించదగ్గ విషయం. అది ప్రస్తుత విపత్కర పరిస్థితుల్లో అమెరికా-భారత్​ సంబంధాల ప్రాధాన్యాన్ని తెలియజేస్తోంది. భౌగోళికంగా, రాజకీయంగా, వాణిజ్యం, సాంస్కృతికం, దౌత్య, శాస్త్రీయంగా ఇరు దేశాల భాగస్వామ్యం పరస్పరం ఆధారపడి ఉంది. చైనా దూకుడు చర్యలతో ఇరు దేశాలు మరింత సహకరించుకోవాల్సిన అవసరాన్ని చూపుతోంది."

- ముకేశ్​ అగి, యూఎస్​ఐఎస్​పీఎఫ్​ అధ్యక్షుడు

ఆగస్టు 31 నుంచి వారం రోజుల పాటు ఈ సదస్సు జరగనుంది. ఈ సమావేశం ప్రారంభమైన రోజున భారత విదేశాంగ మంత్రి ఎస్​ జైశంకర్​, వాణిజ్య శాఖ మంత్రి పీయూశ్​​ గోయల్​ పాల్గొన్నారు.

ఇదీ చూడండి: ఐరాస సమావేశంలో ప్రసంగించనున్న ప్రధాని మోదీ